IES Pedras Rubias

Para conmemorar o Día do libro, o venres 22 de abril fíxose un mercado de libros.

Os días previos, o alumnado que quixo participar, que foi moito, trouxo libros que deixou na biblioteca a cambio de vales que logo intercambiou o día da feira.

Contamos coa doazón desinteresada da librería Donas de Salceda e tamén do profesorado. Moitas grazas pola vosa xenerosidade.

Levouse a cabo na nova sala de profesorado, ao carón da radio, xa que non puido ser no exterior, tal como estaba previsto, debido ao mal tempo.

Como peche da 2ª avaliación, o 7 de abril tivo lugar un encontro entre o escritor Carlos Meixide, autor da serie "Os cinco de Ons", e o alumnado de 2º e 3º de ESO. O acto tivo lugar no Auditorio Municipal do concello.

Aproveitando que o tempo acompañaba, fíxose o percorrido a pé e así deuse por inaugurada a senda peonil de Parderrubias ao núcleo da vila.

O alumnado puido afondar nas obras xa lidas (Ons, Cans e Guitiriz) así como coñecer de primeira man como será a última que pechará a serie e se desenvolverá en Portugal.

Este venres día 6 de maio celebrouse a XV edición da Subida ao Penedo Redondo

O alumnado tiña a opción de facela andando, correndo individual ou correndo en grupo. Gran participación por parte do alumnado e profesorado. Un placer volver a realizar e disfrutar deste tipo de actividades.

Recadáronse un total de 800 € entre alumnado e profesorado que será donado íntegramente a Ucraína. Grazas a tod@s pola vosa colaboración.

Deixamos rexistro dos tempos e fotos d@s gañador@s.

O alumnado de Economía de 4ºESO participa neste curso no Concurso do programa "Segura-mente" de ABANCA, en colaboración coa Consellería de Educación da Xunta de Galicia e consistente na presentación dunha idea de negocio.

Recentemente abriuse o prazo de votación popular para ser escollido entre os mellores proxectos. O alumnado de 4ºESO A solicita a vosa axuda para conseguir ese obxectivo. Por favor, clica no seguinte enlace e vota a opción de 4ºA (a que ten máis votos). Á hora de votar ides recibir un correo de confirmación.

Non esquezades confirmar o voso voto!!

Moitas grazas pola vosa colaboración!

Consulta os criterios definitivos de Avaliación, Promoción e Titulación do curso 2021/22 no seguinte enlace:

CRITERIOS DE AVALIACIÓN, PROMOCIÓN E TITULACIÓN Curso 21/22

Aberto ata o 12 de MAIO o prazo para solicitar becas para estudos postobrigatorios (Bacharelato, ciclos e outros) para o curso 22/23. 

Se cumplides os requisitos solicitádea aínda que o alumnado non teñan claro os estudos a realizar xa que haberá un prazo para actualizar eses datos,  pero só si a beca está pedida en forma e prazo.

Achegamos enlace con máis información :

https://www.becaseducacion.gob.es/becas-y-ayudas/fp-bachillerato-otros/t...

Durante estas semanas, os andadeiros da planta baixa do IES Pedras Rubias acollen diversas maquetas e réplicas de poboados castros feitas polo alumnado de 1ºESO, plasmando así nunha tarefa práctica os coñecementos teóricos adquiridos na materia, combinando saber e creatividade.

Desde o Departamento de Xeografía e Historia queremos salientar e felicitar aos participantes polas súas fantásticas creacións.

 

No Departamento de Lingua Galega e Literatura do IES Pedras Rubias seguimos a fomentar a creatividade no alumnado, a estimular o uso do galego e a facilitar a posibilidade de publicación a novos creadores.

Por este motivo animamos ao noso alumnado a que participe en todos os concursos que se convocan, sexan internos do propio instituto ou externos.

Nesta ocasión dúas alumnos de 3º de ESO, Naira Martínez e Ainhoa Sousa, presentáronse ao V Certame de microrrelatos convocado por Puntogal e a Real Academia Galega.

Estamos moi agradecidos pola súa participación e agardamos que teñan moito éxito.