Restablécese o prazo para a presentación das solicitudes de admisión de alumnado (alumnado que cambia de centro) en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes.

Resolución do 28 de abril de 2020, conxunta da Secretaria Xeral de Universidades e da Dirección Xeral de Educación, Formación Profesional e Innovación Educativa, pola que se modifica a Resolución do 26 de febreiro de 2020

Instrucións do 27 de abril de 2020, da Dirección Xeral de Educación, Formación  Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia

Se tes unha videoconferencia cun docente, segue os pasos que se indican neste vídeo:

Boa tarde,

A aplicación Abalar está saturada xa que todo o alumnado está a intentar entrar. As notas  xa están publicadas e podedes acceder a elas ao longo do día. Tede paciencia.

Moitas gazas e un saúdo a todos

A Consellería de Educación Universidade e Formación Profesional dictou instruccións para a 2ª avaliación deste curso dado o estado de alarma vixente.

No día de onte e no de hoxe o profesorado do IES Pedra da Auga está a facer as avaliacións de todos os grupos agás os de 2º de bacharelato que xa tiveron lugar antes do confinamento.

-Non son avaliables as actividades relacionadas cos contidos realizadas polo alumnado con posterioridade á declaración do estado de alarma, mediante a teleformación.

-Só se avalía o traballo desenvolvido ata a data da suspensión das clases.

-As cualificacións van a seren consultables na aplicación "Abalar móbil".

Seguimos ao voso dispór no email do instituto ies.pedra.auga@edu.xunta.gal e no teléfono do instituto, 886 12 12 05

Unha aperta a toda a comunidade escolar, coidádevos.

Para comunicarse coa nosa orientadora  mira o vídeo:

https://youtu.be/miMbDMIT6TA

Facede click na imaxe

Durante o estado de alerta, para comunicacións urxentes está dispoñible de luns a venres, en horario de 17 a 20 horas o teléfono

690 60 31 45

Para o alumnado que non ten creada unha conta na aula virtual o procedemento explícase no seguinte vídeo. Unha vez creada a conta os profesores matricúlanvos nos cursos que vos correspondan.

Actualización, 14, 25 horas, 13/03/2020.

A Consellería ven de publicar unhas novas instruccións ante a evolución da pandemia do Covid-19.

http://www.edu.xunta.gal/portal/node/30550

O PRAZO PARA ADMISIÓN DE ALUMNADO DE CARA AO VINDEIRO CURSO ESCOLAR AMPLÍASE ATA UNHA SEMANA DESPOIS DO REINICIO DA ACTIVIDADE ESCOLAR.

O IES PEDRA DA AUGA PERMANECERÁ PECHADO ATA QUE SE SOLVENTE A CRISE.

O luns 16 de marzo será o único día no que haberá uns servizos mínimos para solventar incidencias, sempre que a situación o permita.

A dirección do IES prega a toda a comunidade educativa que permanezan o máis posible nos seus domicilios para evitar contaxios.

Agardamos que todo se resolva do mellor xeito posible.

Debedes manter todos o contacto vía email e vía aula virtual co voso profesorado.

Seguide pendentes desta páxina web, onde se informará de calquer novidade de interese

===========================

Publicación das 20,00 do día 12/03/2020:

Por mor da pandemia de Covid-19 a consellería suspende as clases en toda Galicia. 

A falta de determinar medidas concretas adaptadas ao noso centro compre que toda a comunidade educativa coñeza as instruccións da Consellería:

http://www.edu.xunta.gal/portal/medidas-coronavirus