Contacontos inglés-galego
Aquí tendes as contacontos en acción o luns 20 de xaneiro, estiveron na biblioteca cos alumnos de 1º e 2º ESO.
APLICACIÓN ABALAR
Estimadas familias,
dende o IES Pedra da Auga estamos a fomentar a aplicación ABALAR que ofrece a Xunta para ter información inmediata sobre a vida académica dos/as vosos/as fillos/as.
Instálase como calquera aplicación ou xogo do móbil, so hai que buscar ABALAR no Play-store ou App-store . Unha vez instalada teñen que apareceran as/os vosas/os fillas/os escolarizadas/os.
Se tivesen algún problema ou non aparecesen os/as fillos/as na aplicación, por favor, chamen ao centro para solucionalo, o teléfono é 886121205.
Na aplicación pódense ver faltas, notas e as incidencias na aula que calquer/a profesor/a quera comunicar.
Máis información na páxina https://www.edu.xunta.es/espazoAbalar/es/noticia/abalarmobil
XORNADA DE PORTAS ABERTAS PARA PAIS E NAIS NO IES PEDRA DA AUGA
Estimadas familias,
Co motivo da próxima graduación do/a voso/a fillo/a en Educación Primaria, e sendo o IES Pedra da Auga o centro de referencia do colexio Virxe dos Remedios, o equipo docente do instituto ten o pracer de convidarlles a unha xornada de portas abertas para os pais para que poidan coñecer como é a vida do noso centro.
Para intentar conciliar o máis posible os horarios, e que a visita se faga en horario lectivo,faremos dúas sesións:
-
O luns día 27 de xaneiro ás 17:00
-
O martes 28 de xaneiro ás 12:00
Se alguén non pode asistir neste horario e desexa visitar o instituto, pregámoslle que se póñan en contacto con nós no teléfono 886 12 12 05
VISITA ÓS MUSEOS DA CORUÑA
VISITA ÓS MUSEOS DA CORUÑA
O mércores 15 de xaneiro os alumnos de primeiro e segundo de ESO disfrutaron dunha visita a dous museos da cidade da Coruña; o MUNCYT (museo nacional de ciencia e tecnolóxia) e a Casa das ciencias. Esta activiadde enmarcábase dentro dos contidos das materias de Fisica e Química e Bioloxía.
A pesar de que a climatoloxía non parecía non querer acompañarnos, poidemos disfrutar dun maravilloso día e incluso poder comer tomando o sol, todo un privilexio a 15 de xaneiro.
Convocatoria de reunión para pais e nais
Estimadas familias:
O vindeiro luns 7 de outubro, convócase a unha reunión aos pais e nais do alumnado da ESO, BACHARELATO E FPB do IES Pedra da Auga.
A reunión comezará ás 18:15 cada pai/nai irá á aula do seu fillo/a co titor/a correspondente agás os pais/nais de 1º de ESO que irán ao salón de actos para unha breve presentación do equipo directivo. A continuación subirán as aulas co titor/a da súa filla/o.
Un saúdo.
Rebeca Nuñez Fernandez María José Fernández Sestelo
Directora Xefa de estudos
Comezo de curso escolar 2019/2020
O luns 16 de setembro de 2019 comeza o curso escolar.
O horario é o habitual dos luns.
De 8,45 a 14,25 horas para todos os grupos.
De 16,20 a 18,00 para ESO e Bacharelato e FP Básica.
De 15,30 a 18,00 para ciclos medios e superior.
O alumnado de 1º curso da ESO será recibido ás 8,45 no salón de actos polos seus titor e titora é a directiva do Centro.
O resto de grupos terán listaxes nas portas das aulas.
Alumnado admitido para primeiros cursos de Formación Profesional Básica
Neste enlace pódese consultar a relación de admitidos na FP Básica para o curso escolar que comeza o luns.
O alumnado admitido debe proceder a súa matrícula o venres día 13 de setembro.
Libros Inglés.
O libro de texto de inglés para o novo curso académico 2019/2020 será:
1º bacharelato: Advantage 1, Student's book, Burlington Books, ISBN 978-9963-273-67-6
2º bacharelato: Advantage 2, Student's book, Burlington Books, ISBN 978-9925-30-122-5
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »