No documento adxunto poderedes consultar as bases para poder participar no CONCURSO DE POSTAIS DE NADAL E ANINOVO que convoca cada ano o EDLG e o DEPARTAMENTO DE PLÁSTICA deste IES. Ánimo e a polos premios. 

O Equipo de Normalización e Dinamización da Lingua Galega e o Equipo de Igualdade deste instituto, no seu afán de loitar contra a desiguladade e de propagar o uso da lingua galega, anima a toda a Comunidade educativa ao seu emprego, e con este fin convoca un CONCURSO DE VÍDEOS CURTOS ou PRESENTACIÓNS sobre a VIOLENCIA DE XÉNERO E A IGUALDADE.

Tedes información sobre as bases do concurso no ficheiro adxunto.

O alumnado de 2º da ESO, desprazouse o martes 28 de maio á emisora CUAC FM, para emitir un ano máis o seu propio programa de radio. Os textos e incluso as cancións, foron elaboradas integramente en galego sobre temas relacionados co proxecto Mais pola Igualdade. Como ben amosan as fotografías, disfrutaron moito coa actividade e sen dúbida repetiremos un ano máis.

O luns 25 de febreiro, co gallo do aniversario do nacemento de Rosalía de Castro, fixémoslle unha homenaxe no centro. Os rapaces recitaron polas aulas poemas da autora co obxectivo de honrala e dar a coñecer o seu legado.

O pasado martes 6 de novembro, o alumnado de 4º da ESO, participou nunha nova edición do Roteiro Oteriano, que este ano abrangueu tres lugares emblemáticos: o Mosteiro de Oseira, o Pazo de Trasalba e a cidade de Ourense. Esta actividade celébrase conxuntamente cos Departamentos de Lingua e Literatura Galega e Xeografía e Historia. Aprendemos moito da arquitectura cisterciense, paseamos polos claustro do Mosteiro guiados por un monxe da congregación, que nos amosou os misterios do lugar. Máis tarde, en Trasalba, os guías explicáronnos aspectos relevantes da vida de Otero que influiron na súa obra. Pola tarde, desprazámonos ao IES Otero Pedrayo de Ourense onde fomos recibidos pola Vicedirectora do IES, que nos fixo de guía e nos lembrou que Otero fora alumno e profesor de dito centro. Logo fixemos un roteiro literario pola parte vella da cidade, parándonos nas casas natais de Otero, Risco, Blanco Amor... E tamén, fixemos unha parada breve na Praza Maior, na Catedral e nas Burgas.

Este adxunto contén o Plan Xeral do fomento do uso da lingua galega e os seus obxectivos. Tamén contén o Plan Específico para o ensino da lingua galega cos seus obxectivos, así como as medidas e actividades de normalización e dinamización da lingua galega para este IES. 

O Equipo de Dinamización da Lingua Galega do IES R. Otero Pedrayo participou na fase final do concurso de recitado de poemas que organiza a Fundación Manuel María en Outeiro de Rei para conmemorar a Rosalía de Castro. Este ano representáronnos dúas alumnas de 4º da ESO: Marina Aradas e Aroa Rodríguez. Noraboa a estas dúas alumnas.

A Secretaría Xeral de Política Lingüísitica a caba de publicar as subvencións aos Equipos de Normalización e Dinamización da Lingua Galega, e nas mesmas aparece o Proxecto do noso Centro cunha das mellores valoracións dos Centros de ensino da Coruña. Esta nova dános azos para seguir nesta liña inda que a dotación económica que nos subvencionan é cada vez máis escasa, e o tempo do profesorado para colaborar no desenvolvemento das actividades que propuxemos tamén é cada vez menor. Isto lévanos a que sexamos sempre os mesmos os que tentemos sacalas adiante. De todos os xeitos creo que estamos de noraboa.