Skip to Content

ANPA

ANPA. Xunta directiva

Mar, 13/06/2023 - 07:46

Presidenta

MONTSERRAT PITA CASTRO

Vicepresidenta

MARÍA BELÉN LOUZAO FERRACES

Secretario

MARTÍN FERNÁNDEZ FERNÁNDEZ

Tesoureira

SILVIA ARROJO RODRÍGUEZ

Vogal

MARÍA JOSÉ GARCÍA OTERO

Vogal

MARÍA JESÚS FERREIRO GÓMEZ

 

Nota da ANPA

Mar, 22/10/2024 - 08:41

Despois da protesta do día 10 de outubro, a Administración Educativa cubriu as baixas de dúas persoas de conserxaría. O anuncio publicado nun medio de comunicación de que iamos contar cun profesor/a de Pedagoxía Terapéutica, non se fixo efectivo nin se prevé que vaia ser, así que o noso centro segue tendo 3 docentes menos que fai 2 cursos tendo en conta o número de estudantes e grupos. Por todo isto,

A ANPA do IES Ollos Grandes *convoca ás familias e ao profesorado a un ACTO DE PROTESTA este mércores día 23 de outubro as 14:30* na porta do instituto. 

Animamos a pais e nais a informar aos nosos fillos e fillas e a transmitirlles a importancia de exercer o dereito de protesta e manifestación ante as decisións das administracións cando as consideramos inxustas, para que a mocidade aprenda a adoptar actitudes activas ante actos que inciden directamente no seu dereito a unha educación de calidade.

 

Nota de agradecemento da ANPA

Ven, 11/10/2024 - 10:56

Grazas pola vosa asistencia ao acto de protesta onte, xa que sabemos o difícil que é atopar tempo. Tamén aos que non viñestes pero que nos mostrastes o voso apoio por diferentes medios. Estamos á espera de ver que fai a administración antes para decidir próximas accións, xa que non está claro como se vai materializar o precipitado anuncio que fixeron na prensa, e ademáis non dá resposta ás nosas demandas. O único que parece estar claro é que vai haber substitución das dúas conserxes (non foi sen tempo a que tiña que ser substituida en xuño) pero non significa que se vaian a manter os tres postos. Manterémosvos informados, pero non imos admitir parches, xa que as nosas demandas son para o futuro do centro, non para facer amaños sen continuidade no tempo.

A ANPA INFORMA:

Lun, 07/10/2024 - 14:09

A ANPA INFORMA:

O noso centro educativo, a pesar da participación en múltiples proxectos, o incremento dunha unidade de 1º ESO e do número de estudantes, leva os últimos cursos sufrindo recortes de persoal, concretamente 3 prazas de docencia (1 delas de pedagoxía terapéutica, imprescindible para alumnado con necesidades especiais), e a non cobertura de baixas de subalternos. Todo isto a pesar das noticias que aparecen na prensa de baixada na ratio de número de alumnos por profesor (que no noso caso non acontece) e de incremento do número de profesores.
 
Por todo isto, e por Acordo de Asemblea Xeral do 25 de setembro a Anpa do IES Ollos Grandes CONVOCA á comunidade educativa do centro: pais e nais, alumnado e profesorado, a unha concentración como ACTO DE PROTESTA o XOVES día 10 de outubro as 14:30 horas na entrada do instituto, ao que convidamos a todas as familias e profesorado para mostrar o noso malestar á administración educativa.

Anpa. Feira de libros usados

Mar, 24/09/2024 - 07:22

Mañá mércores 25 de setembro haberá unha feira de libros usados nas instalacións do IES entre as 18:00 e 19:00 horas. 

 
Para entrar no grupo de WhatsApp de compraventa de libros, aquí tes o formulario de inscripción, e o link de invitación:
 
 
 
 

Carta da ANPA

Ven, 20/09/2024 - 13:51

Estimadas familias,

 
Benvidos ao curso que acaba de comezar. Para organizar a actividade da ANPA pedímosvos a vosa colaboración asistindo á Asemblea que terá lugar o mércores 25 de setembro nas instalacións do IES as 16:30 h en primeira convocatoria, e as 16:45 h en segunda, co seguinte
 
Orde do Día
 
1º. Aprobación da acta anterior.
2º. Contas 23_24, e plan de actividades curso 24_25.
3º. Consecuencias dos recortes de persoal da Consellería de Educación.
4º. Rogos e preguntas.
 
Tras a asamblea o mesmo *mércores 25 terá lugar tamén no instituto, ás 18:00,* a feira de libros usados. 
 
Sen outro particular, 
recibide un afectuoso saúdo en nome de toda a Xunta Directiva da ANPA IES Ollos Grandes.

Obradoiro de orientación da ANPA

Lun, 22/04/2024 - 18:06

Este mércores 24 as 16:45 terá lugar o último obradoiro deste curso sobre orientación académico profesional dirixido especialmente ás familias de 4ºESO e 1º BACH, no que Cristina Eiras do equipo de orientación do CFR de Lugo nos falará da repercusión da elección de materias e modalidades.

Ampliamos información no documento anexo:

Convocatoria Asemblea ANPA IES Ollos Grandes

Xov, 15/02/2024 - 09:44

Pola presente convócase ás familias socias a Asemblea Xeral Ordinaria o mércores 21 de febreiro de 2024 no salón de actos do IES Ollos Grandes ás 16:30 h en primeira convocatoria e ás 16:45 en segunda convocatoria co seguinte:

Orde do día:

1.- Lectura e aprobación de acta anterior.

2.- Información de actividades desenvoltas:

- Resultados enquisa a familias sobre temáticas a abordar este curso.

- Creación de grupo de Whatsapp e perfil de Facebook para difusión da información ás familias.

- Acto de graduación de 2º de BACH.

- Excursións do alumnado.

- Actividades e obradoiros xa organizados:

 - Feira de libros usados 20/09/23. Este ano houbo escaseza de libros ao ser novos os dos cursos pares, e levar só un ano os dos impares.

- 20/12/23 Prevención de adiccións na adolescencia, con e sen substancia.

Como entendernos en familia.

- 24/01/24 Obradoiro para familas: Saben que os queres?

- 29/01/24 Tradi trap baila morena. Actividade de identificación e prevención de violencias sexuais para 3º ESO C e D.

- 07/02/24 Obradoiro para familias: É xordo ou quedou mudo? Comunicación en familia.

 - 21/02/24 Obradoiro para familias: Axudar a discernir o camiño profesional.

Coñecendo ao noso fillo/a e axudando a que se coñeza.

- 13/03/24 Obradoiro para familias: Opcións profesionais

- Pendente data: Comunicándonos entre iguais. Charla do Colexio de Enfermaría de educación afectivo sexual para rapaces.

- 09/05/24: Trastornos da conducta alimentaria. Escola de Pais e Nais do Centro de Formación e Recursos. Olga Yanes

- Pendente data: Orientación profesional. Cristina Eiras do Equipo de Orientación de Lugo do CFR.

- Pendente data: Educación emocional e en sexualidade para pais, nais e rapaces. Querote +.

- Pendente data: Poñendo os Lentes as Familias. Sobre prevención dos diferentes tipos de violencia (actividade online).

 

3.- Principais temas abordados coas administracións educativas, no consello escolar e co equipo directivo do centro:

-Consecuencia do escrito presentado solicitando información sobre os criterios da administración na implantación de Edixgal e a simultaneidade cos libros en papel,o día 01/02/24 acudimos a unha xuntanza coa Directora Xeral de Innovación Educativa, Judith Fernández, que nos informou de que a recomendación é de que non haxa máis de 2 ou 3 libros a maiores do material de Edixgal, que están a traballar na mellora do material didáctico e que na financiación deses libros.

-Escrito ante a Dirección Xeral de Recursos Humanos e a Xefatura Territorial pedindo información sobre a reducción de profesorado no curso 23/024.

-Organización dos grupos de 1º e 2º por ámbitos educativos,

-Petición de inclusión do IES na plataforma ELBE 2 de libros dixitais.

-Proposta a FAPACEL sobre a organización da ABAU, en particular a eliminación da materia de Historia da Filosofía e coincidencias horarias.

 

4.-Presentación das contas.

5.-Información estado do proceso xudicial de reclamación dos fondos da Asociación.

6.-Rogos e preguntas

 

 

Encontros de Pais e Nais: Construindo Familia

Mér, 10/01/2024 - 14:48

Prezadas familias, a ANPA organiza os seguintes "Encontros de Pais e Nais: Construindo Familia". Comezarán o mércores 24 de xaneiro traballando sobre "Autoridade e normas". Será unha ocasión de intercambiar opinións, axudarnos, motivarnos e apoiarnos no acompañamento á rapazada, cun enfoque humanista e positivo da man do experto Xosé Manuel Domínguez Prieto. Unha aperta

Enquisa ANPA

Xov, 16/11/2023 - 12:11

Enlace ao cuestionario para a detección do interese das familias do centro

Distribuir contido


by Dr. Radut