Musica

O alumnado de 1º e 2º de bacharelato de Artes Escénicas do IES Nosa Sra dos Ollos Grandes visitou o cemiterio de San Froilán para ver “Dándolle unha volta a Don Juan” , de Palimoco Teatro.

Ademáis de gozar dunha gran obra puidemos ver a algunha das nosas alumnas en plena acción. Parabéns e a seguir así!

Un ano máis o alumnado de 2º da ESO do IES Nosa Sra dos Ollos Grandes tivo a oportunidade de desfrutar dos magníficos recursos que nos ofrece o Museo de instrumentos musicais do Centrad, e de achegarse ao apaixoante oficio da luthería.

Ademáis, como complemento da visita, aprendemos cousas moi interesantes sobre a olería e outros oficios tradicionais.

Alumnado de 3º ESO do IES Nosa Señora dos Ollos Grandes asistíu en Coruña a un ensaio didáctico da Orquesta Sinfónica de Galicia.

Sinalar que tivemos ocasión de escoitar dous concertos para trompeta: o "Concerto venezolano", de Paquito D'Rivera; e "Altar de bronce", da compositora mejicana Gabriela Ortiz. Ambos estiveron interpretados polo trompetista Pacho Flores. Cómpre sinalar que ademais da experiencia, sempre enriquecedora, de escoitar á OSG, tivemos tamén o privilexio de asistir ao ensaio previo á estrea mundial da segunda das obras mencionadas. E o de contar coa compañía da propia compositora, sentada ao noso carón entre o público.

A continuación visitamos a exposición de Steven Meisel, un fotógrafo icónico que non nos podíamos perder. 

Alumnado de Artes Escénicas de 4º ESO e 1º de Bacharelato asistiron no Teatro Principal de Santiago de Compostela á representación da obra Illas desertas.

Illas desertas nace como resposta a un mundo competitivo que só sabe camiñar nunha única dirección: a de facernos produtivos.

O espectáculo propón unha travesía cara a nada, ancorada na narrativa e na poesía audiovisual.

Alumnado de 2º ESO do IES Nosa Señora dos Ollos grandes visitou o Centro de Artesanía e Deseño.

O Centrad promociona a cultura dos oficios e dos obradoiros artesáns.

Acolle nas súas salas exposicións do Libro, de Traxe, Cestería e Olería Tradicional e unha importante Colección de Instrumentos Musicais.

Asi mesmo aproveitaron a visita para ver a Exposición Alfonso X e Galicia na Capela de Santa María