Lingua galega

O alumnado de 2º ESO do IES Nosa Sra dos Ollos Grandes visitou a exposición A cidade e as xentes no Arquivo Histórico Provincial de Lugo.

Viron fotos e obxectos que lles permitieron coñecer os grandes cambios que se produciron na sociedade lucense na década dos setenta.

O alumnado do Club de lectura do IES Nosa Sra dos Ollos Grandes e de segundo de ESO visitou a exposición sobre Xaquín Marín no Vello Cárcere.

A exposición itinerante que presenta en O Vello Cárcere a Federación de asociacións galegas culturais Galiza Cultura, ofrece un percorrido retrospectivo pola obra e o universo creativo dun artista tan polifacético e singular como é Xaquín Marín.

O alumnado de 2º ESO do IES Nosa Sra dos Ollos Grandes visitou a exposición sobre a emigración, situada no corredor do instituto, e a adicada a D. Xesús Alonso Montero Biblioteca Pública.

O alumnado de 2º ESO visitou a exposición Educación en feminino: un paseo pola historia,  na Facultade de Formación do profesorado.

Trátase dunha exposición que rememora as traxectorias de varias mulleres docentes e colectivos de educadoras e pon en valor as súas achegas á historia da educación.

Alumnado de 1º de Bacharelato do IES Nosa Sra dos Ollos Grandes asistiu á charla "Contar historias no século XXI" impartida por María Valcárcel, periodista e profesora asociada da USC.

Na sociedade da información, a xestión cultural é un proceso que achega valor. En cada fase aprendemos algo, achegamos algo, compartimos algo. A través da ideación e posta en marcha de proxectos culturais contamos historias que contribúen ao desenvolvemento individual e social. O século XXI precisa das nosas historias para ser entendido, di María.