Alumnado de ESO e BAC do IES Nosa Sra dos Ollos Grandes está a participar no VI Torneo de Debate Académico de Galicia.
O Torneo de Debate Académico de Galicia (TDAG), está organizado pola Fundación Barrié co obxectivo de fomentar no alumnado de ESO e Bacharelato o desenvolvemento das habilidades argumentativas e o pensamento crítico necesario para o éxito académico e profesional
Acompañados polos profesores Iago J. e Margarita Rguez Yáñez, lograron pasar a primeira fase e terán a próxima semana unha nova cita para seguir avanzando. Sorte!
A nosa alumna Sofía Piñiero Díaz, terceiro premio na 62ª edición do concurso nacional de relato de Coca-Cola.
Cunha alegoría na que, a través do seu propio discurso valente, fala da natureza humana, das emocións, da liberdade e da poesía, o xurado nacional considerou que este texto destaca especialmente pola súa orixinalidade e o seu carácter provocador.
O IES Nosa Señora dos Ollos Grandes participou no V Torneo de Debate Académico de Galicia obtendo un meritorio 4º premio. Ademais Óscar Rodríguez de Vivero acadou o premio ao mellor orador. Parabéns!
A V edición do Torneo de Debate Académico de Galicia está organizado pola Fundación Barrié co obxectivo de traballar unha ferramenta tan importante como é a oratoria.
