Convocatorias

Convócanse 18 prazas para participar na mobilidade Erasmus+ a L’Isle-Jourdain, antes coñecida como Intercambio de Francés.

Cando terán lugar estas actividades?

Esta mobilidade consta de dúas fases: unha primeira semana en Lugo, do 31 de xaneiro ao 7 de febreiro e unha segunda en L’Isle-Jourdain, do 4 ao 11 de abril. Na primeira semana o alumnado do noso centro acollerá ao alumnado francés, mentras que na segunda serán eles quenes acollan ao noso alumnado.

Quen pode participar?

Esta actividade está dirixida ao alumnado do IES Nosa Señora dos Ollos Grandes de cuarto de ESO e primeiro de bacharelato que curse a materia de Francés como segunda lingua estranxeira.

Criterios de selección

No caso de que haxa máis candidaturas que prazas, utilizaranse os seguintes criterios:

• Nota de actitude, comportamento e madurez: ata 10 puntos
• Pertencer ao colectivo de alumnado con menos oportunidades: ata 5 puntos.
• Nota media do expediente: ata 10 puntos.
• Nota na materia de francés no curso 2023-24: ata 10 puntos.
• Non ter participado en proxectos internacionais durante o presente curso: 2 puntos.

Comité de selección

O comité de selección estará formado polas profesoras do departamento de francés e o coordinador de proxectos internacionais.

Como participar

Para participar na actividade haberá que entregar o formulario que se achega debidamente cumprimentado e asinado polas familias. As profesoras de francés repartirán copias en papel nos vindeiros días.

Prazo de presentación de solicitudes

O prazo para solicitar a participación nesta actividade rematará o 22 de novembro de 2024. Despois de analizar as candidaturas pubricarase unha resolución provisional, tras o cal haberá un período de reclamacións de tres días lectivos. Transcurrido este período, farase pública na web do centro a resolución definitiva.

Unha vez consideradas as alegacións presentadas, procedemos a publicar a adxudicación definitiva das tres prazas para mobilidades curtas a Noruega e Islandia durante o curso 2024-25.

De cara a completar as listaxes de participantes nas mobilidades que temos garantidas a día de hoxe para o curso 2024-25, procedemos a convocar as seguintes prazas na fase de setembro:

• Noruega (xaneiro 2025) e Islandia (abril 2025): 1 praza para cada país.
• Francia (abril de 2025): 6 prazas.

O alumnado participante nas mobilidades a Noruega e Islandia acollerá a un alumno/a destes países en outubro. O alumnado que participe na mobilidade a Francia acollerá a un alumno/a de Francia, Italia ou Lituania en febreiro

Alumnado que pode participar

O alumnado que pode optar a estas prazas nesta segunda fase da convocatoria é o alumnado de nova incorporación ao centro e o alumnado que quedou en lista de espera en maio.

Comité de selección

Para seleccionar ao alumnado participante nestas mobilidades haberá un comité de selección formado polo profesorado que organiza cada mobilidade xunto co coordinador de proxectos internacionais, Roberto Núñez Pena. No caso de que algún candidato/a sexa familiar dalgún membro do comité de selección, este último non participará na selección. 

Criterios de selección

Para poder baremar ao alumnado novo e ao antigo en igualdade de condicións, os criterios de selección estarán artellados da seguinte forma:

Mobilidades en Noruega e Islandia:

1. Carta de motivación ao coordinador de proxectos internacionais, explicando os motivos polos que se quere participar e o que cada candidato/a pode aportar a un proxecto sobre patrimonio cultural: 10 puntos.
2. Pertencer ao colectivo de alumnado con menos oprtunidades: ata 5 puntos.
3. Media do expediente académico de cuarto de ESO: 10 puntos.
4. Nota na materia de Lingua Estranxeira - Inglés en cuarto de ESO: 10 puntos.
5. Cursar unha segunda lingua en primeiro de bacharelato: 2 puntos.

Mobilidade en Francia:

1. Carta de motivación ao coordinador de proxectos internacionais, explicando os motivos polos que se quere participar e o que cada candidato/a pode aportar a un proxecto de investigación sobre carreiras profesionais: 10 puntos.
2. Pertencer ao colectivo de alumnado con menos oprtunidades: ata 5 puntos.
3. Media do expediente académico de cuarto de ESO: 10 puntos.
4. Nota na materia de Historia en cuarto de ESO: 10 puntos.
5. Cursar a materia de Economía en primeiro de bacharelato: 2 puntos.

Como participar

Para participar nesta fase do proceso de selección, deberán cumprimentar o formulario que se achega e entregalo ata o día 20 de setembro ás 14:30 na oficina administrativa do centro, xunto coa carta de motivación. É posible tamén achegar a documentación en dous documentos en formato pdf enviando un correo a iesollosgrandes.erasmus@gmail.com.

Prazo de alegacións

Unha vez publicada a resolución provisional desta fase na páxina web do centro, haberá tres días lectivos para presentar alegacións, en persoa ou a través do correo mencionado máis arriba. Unha vez resoltas, publicarase a resolución definitiva na páxina web do centro.