Programa de actividades

Hoxe, no Salón de Actos do IES Nosa Sra dos Ollos Grandes, presentamos a Revista: Tempus das Letras, na súa edición nº 17

AGRADECEMENTOS:

- En primeiro lugar ao alumnado que nos fixo chegar os seus traballos, que conforman o máis importante desta revista.

- En segundo lugar ao profesorado  por animar, implicar e motivar ao seu alumnado a realizar os traballos antes referidos e tamén por ter colaborado de xeitos moi diversos.

 Mantendo a liña da edición anterior, temos unha edición física da revista (nunha tirada moi reducida) e unha edición dixital que ten contidos (vídeos, presentación) que obviamente non ten a edición dixital.

Acceso á revista no seguinte enlace proximamente.

No IES Nosa Sra dos Ollos Grandes celebramos o Día das Letras Galegas cun recital de poesía e música.

A música compúxoa Gerald Vázquez, quen tamén a interpreta ao piano. E a voz é a de Andrea Blanco. O poema, evidentemente de Luisa Villalta.

O panel de Luisa Villalta en Pop Art foi realizado por alumnado de1 ESO, no tempo de lecer.

Feliz Día das Letras Galegas!!!

Hoxe tivemos no noso centro a presentación do programa Enredando co Galego.

Contamos coa asistencia de Anxo Lamelo, que se encargou de presentar o acto e explicar aos asistentes os obxectivos deste programa e os posibles xeitos de participación.

E para motivar ao alumnado e animalo a participar, desfrutamos dun excepcional recital poético do que se encargaron os poetas Silvia Penas e Samuel Merino.

A bo seguro que o noso alumnado de 3 da ESO atopou unha excelente fonte de inspiración que os levarán a enredar co galego con entusiasmo e creatividade ao longo das vindeiras semanas!

O Equipo de Dinamización da lingua Galega propón unha interesante actividade: un grolo de lectura

Hoxe tivo lugar no IES Nosa Señora dos Ollos Grandes o obradoiro OPS! (O portugués simples).

Este obradoiro, deseñado e xestionado pola Asociación Galega da Lingua, pretende achegar ao alumnado a esta fermosa lingua, tan próxima á nosa, amosarlles o coñecemento real que xa teñen dela sen se apenas decatar, e conciencialos da vantaxe que iso lles supón nos planos persoal, cultural, económico, laboral...