Cultura e tradición no Camiño

Alumnado do IES Nosa Señora dos Ollos Grandes pechou o San Froilán coa asistencia á  actividade: VII Cultura e tradición no Camiño que a asociación Traxandaina organiza, por estas datas, no Centro Cultural O Vello Cárcere. 

Demostracións de Talla de cabazas, confección de San Cosmeiros e sombrereiría nas que o noso alumnado participou moi activamente, tanto escoitando como realizando traballos nas tres modalidades, e cuxos artesáns e artesás teñen como punto común como nos comentaba Teresa Astorgano, de Traxandaina: Fan todo o proceso desde o inicio e de xeito artesanal, sementan, recollen e procesan no caso dos Sancosmeiros e cabazas  ou procuran material de moi boa calidade como pelo de coello no caso dos sombreiros.

Ademais o artesán Blas Piñar agasallounos cunha lámpada, no deseño da cal  participou o noso alumnado.