2º trimestre

O IES Nosa Señora dos Ollos Grandes está a participar na 13 edición do Parlamento Xove. Unha competición na que os distintos equipos debaten sobre un tema proposto pola organización.

Os nosos representantes clasificáronse para a fase final a celebrar en maio. Ademais Óscar recibiu unha mención como un dos tres mellores oradores de todo o concurso. Parabéns!

Pódese ver os debates nos enlaces que figuran na web da organización: http://xuventude.xunta.es/parlamento-xove

Alumnado do IES Nosa Señora dos Ollos Grandes di NON Á GUERRA gardando un minuto de silencio.

Alumnado de 1º de Bacharelato do IES Nosa Señora dos Ollos Grandes participou na actividade Falemos da escola.

Esta actividade, á que acudironn persoas da 3ª idade para expoñer as súas experiencias na escola dos anos 50, está organizada en colaboración con Afundación (obra social de Abanca).

Na charla compartíronse experiencias e reflexións sobre o moito que cambiaron as ferramentas e os métodos educativos, sobre como era a escola de antes e como é agora. Tamén se deu algún bo consello: "Estudiade para ser libres"

Alumnado de 1º de Bacharelato do  IES Nosa Señora dos Ollos Grandes asistiu á charla Intelixencia artificial, imaxes e saúde 

Esta charla, impartida pola profesora da USC Mª José Carreira,  da área de Ciencia da Computación e Intelixencia Artificial, presentounos unha perspectiva de como as tecnoloxías intelixentes participan nas investigacións en saúde, centrando o foco máis en imaxe biomédica pero tamén noutros aspectos como a bioinformática.

Tamén nos amosou que os avances científicos se conseguen co traballo de equipos multidisciplinarios nos que a participación das tecnoloxías intelixentes é fundamental para o avance da ciencia. 

Alumnado de 1º e 4º ESO   do IES Nosa Señora dos Ollos Grandes constrúen un hotel de insectos dentro do Proxecta Aulas Verdes.

Trátase dunha iniciatival que pretende dar a coñecer a importancia deste tipo de organismos na conservación da biodievrsidade, cumplindo ao mesmo tempo unha labor importante de educación ambiental.