Programa de actividades

Exposición Toponimia Galega Castelanizada

Xov, 28/09/2023 - 09:10

Alumnado de 2º ESO do IES Nosa Señora dos Ollos Grandes visitou a exposición sobre toponimia que está exposta no corredor do instituto.

Trátase dun traballo elaborado pola profesora Luisa Diéguez, do Equipo de Dinamización Lingüística do IES Puga Ramón de A Coruña, e que está a ser exposto en diferentes centros de ensino. Permanecerá no noso por espazo de dúas ou tres semanas.

Enredando co galego

Ven, 19/05/2023 - 17:57

Alumnado de 4º ESO do IES Nosa Sra dos Ollos Grandes asistiu a Gala de Enredando co galego, no Gustavo Freire.

A gala contou coa ctuación de “Fillas de Casandra”.

É de premio lotes de libros e un iPad.

EnRedando co Galego 2023 é unha actividade da Asociación de Escritoras e Escritores en Lingua Galega (AELG), en colaboración coa Área de Cultura, Turismo e Promoción da Lingua do Concello de Lugo que promove o uso do galego na poboación escolar así como a creación literaria e artística a través da lingua.

Foliada das Letras Galegas

Mar, 16/05/2023 - 06:52

Hoxe celebramos a Foliada das Letras Galegas co Grupo de baile e música tradicional do IES Nosa Sra dos Ollos Grandes.

Esta actividade estivo organizada polo EDLG do IES Nosa Sra dos Ollos Grandes.

Correlingua 2023

Xov, 11/05/2023 - 19:28

Alumnado de 1º ESO do IES Nosa Sra dos Ollos Grandes participou na festa do Correlingua 2023

O Equipo de Dinamización da Lingua Galega do IES Nosa Sra dos Ollos Grandes participou nunha proposta de carácter lúdico-educativo, un acto de reivindicación do dereito a medrar en galego e a exercer como galegos e galegas a través do uso do noso idioma.

Alumnos de 16 centros participaron na festa do Correlingua. Praza de Santa María.

Conmemoración do día do libro

Ven, 21/04/2023 - 16:07

O xoves 20 de abril, co motivo da celebración o día 23 de abril do día do libro, acompañounos a escritora Ánxela Gracián, que falou sobre o seu libro "Donas de nós".

Asistiu o alumnado de 1º ESO, que traballou esa obra na clase de Lingua e Literatura Galega e fixeron unhas ilustracións en Educación Plástica. Ademais fíxose unha exposición desas ilustracións.