Skip to Content

Actividades extraescolares

Actividades extraescolares

VISITANDO COMPOSTELA

O pasado 5 de novembro o alumnado de 4º PDC visitou a cidade de Santiago de Compostela. Á chegada fixeron unha andaina pola cidade, visitando lugares de interese cultural polo casco antigo: Catedral, Praza da Quintana, Alameda…

Ás doce tiveron unha visita ao Museo do Pobo Galego, no que primeiro lles explicaron curiosidades sobre a escaleira en espiral que hai na entrada, posteriormente asistiron a unha actividade titulada "De remuda" sobre música tradicional. Escoitaron varios anacos de pezas musicais e xogaron a  relacionalas coas diferentes estacións do ano e/ou cos labores que se facían . Noutra sala falóuselles sobre a importancia da música ao longo da vida desde a infancia ata a morte, pasando por momentos destacados como as vodas. Relacionado con isto, explicóuselles que era unha regueifa e eles mesmos, entre todos, crearon unha copla como parte incial dunha posible regueifa. Logo fixeron un percorrido rápido polo resto do Museo.

Foi unha mañá moi proveitosa fóra das aulas nas que nos achegamos dunha forma lúdica á nosa música tradicional nun contorno privilexiado.

GALICIA TIC 2024

0 7 de novembro tivo lugar, na Cidade da Cultura en Santiago de Compostela, o evento Galicia TIC 2024. Neste evento estiveron presentes empresas do sector TIC con stands para coñecer o alumnado interesado en realizar as prácticas ou mesmo traballar unha vez finalizado o ciclo. O alumnado tamén coñeceu  as oportunidades laborais do sector TIC e escoitaron as experiencias dos profesionais do sector cos que se puideron sentir identificados como futuros profesionais TIC.

*Máis información en:https://www.galiciatic.com/

IV ENCONTRO GALEGO DE CIBERSEGURIDADE

O día 6 de novembro o alumnado de 2° SIMIRE - 2°ADSIINRE e SIMIRE de adultos asistiron á Cidade da Cultura en Santiago de Compostela ó IV Encontro Galego de Ciberseguridade (CIBER.GAL), baixo o relatorio de Chema Alonso-Chief Digital Officer de Telefónica (membro do Comité Executivo de Telefónica e experto en ciberseguridade), ás seguintes actividades:

ADVENS-Protexendo as Olimpíadas de París.
PROOFPOINT-Protexe  os teus usuarios. Defende os teus datos.
NTT DATA-IA aplicada á  ciberseguridade
CHECK POINT-Protección móbil 360: Seguridade total na palma da túa man.

VISITA Ó CIMUS E INSTITUTO DE MEDICINA XENÓMICA (COMPOSTELA)

O día 5 de novembro o alumnado de 1º BACH visitou os centros de investigación CIMUS e Instituto de Medicina xenómica, guiados polo Dr. Anxo Carracedo. Na visita percorremos os diferentes laboratorios onde se levan a cabo todos os procesos que van dende a extracción do ADN, a súa amplificación, a detección de mutacións e a súa análise, ata a creación de organoides (órganos en miniatura). Todo dende a óptica do estudo de enfemidades e a procura de estratexias e fármacos para o seu tratamento. Enfermidades coma o cancro pero tamén outras coma a esquizofrenia, o TDAH ou o TEA son algunhas nas que conseguiron relevantes avances nos últimos anos.

O SAMAÍN DO MURALLA

O día 30 de outubro chegou o Samaín ó Muralla Romana: Xogos, degustación de pratos terroríficos, magosto, entrega de premios @s artistas culinarios e tamén @s gañadores do concurso de fotografía para a elaboración do calendario 24-25, baixo o  lema "vida saudable". Parabéns a tod@s!!

*Enlace premios calendario

*Vídeo samaín

VISITA Á ZONA FRANCA E MUSEO DA ARTE CONTEMPORÁNEA DE VIGO

O día 17 de outubro, alumnos dos Ciclos Superiores de Administración e Finanzas, de Asistencia á Dirección e do Ciclo Medio de Xestión administrativa, realizaron unha visita á zona franca de Vigo e ao Museo de Arte contemporánea.

Na zona franca, Isaac Manuel González Diz, Coordinador de Aduanas, explicou a historia da zona franca, a súa orixe e as actividades que actualmente se desenvolven nos distintos polígonos. Logo realizouse un percorrido da zona, vendo Ro-Ro da empresa Stellantis, tamén unha visita á empresa Elicentrepot S.A, ocupada do aprovisionamento de buques e, seguidamente, visitamos o Consorcio da zona franca de Vigo, onde se nos comentou o apoio ao emprendemento desenvolvido polo Consorcio a través de Viagalicia e a función de investimento da sociedade de capital risco do Consorcio.

Na xornada de tarde visitamos o Museo de Arte Contemporánea (antigo cárcere de Vigo) podendo desfrutar das exposicións dos pintores Bosco Caride, Benjamín Palencia e Manuel Calmeiro.

O NOSO MAGOSTO

GRADUACIÓN 4º ESO 23/24

INDO Ó CINE EN GALEGO: "AS NEVES"

O alumnado de 1º BAC, FP Básica e 3º PDC asistiu a unha sesión de cine en galego o luns 17 de xuño. Vimos a película "As neves" baixo a dirección de Sonia Méndez. Neste filme predominan paisaxes de montaña da zona da Fonsagrada.  O argumento xira arredor dunha investigación policial tras o acontecido nunha festa da mocidade, durante o entroido. "As Neves" foi recoñecida coa Biznaga de Ouro no Festival de Málaga.

Distribuir contido


by Dr. Radut