Actividades extraescolares

ACTIVIDADE COMPLEMENTARIA: RESONANCIAS EN MOVEMENTO

Día:     14 de abril Hora:    11:50 ás aprox. 13:40. Para:   3ESO-A, 3ESO-B sen PDC, 4º Hum., 4ºPDC e 1º Bach. Lugar:   Museo Interactivo da Historia de Lugo - MIHL Só alumnado de Música

Alumnado de música asistirá ao concerto didáctico "Resonancias en movemento", que forma parte do Ciclo de Música Contemporánea de Lugo “MIHLSons-XXI”. Sairán do instituto ás 11:50h, o concerto dará comenzo ás 12:30h. cunha duración aproximada dunha hora.

Programa :

- Rusell Peck - Lift off trío de toms
- Owen Clayton Condon - Fractalia dúas marimbas e toms
- Nigel Westlake - Hinchinbrook Riffs marimba e sistema de delay
- Stuart Saunders Smith - Evensong lira
- Elliot Cole Postlude nº 8 for bowed vibraphone vibráfono a oito mans

Presentación do concerto: Xoán-Xil López
Intérpretes: Grupo de Percusión do Conservatorio Profesional de Música Xoán Montes e Grupo de Danza Contemporánea do Conservatorio Profesional de Danza de Lugo
Coreógrafas: Alba Felpete, Ana Belén Ferreiro, Raquel González e Julia Penado.
Dirección musical: Diego Ventoso

Sinopse:

Duración, intensidade, altura e timbre: estos son os catro parámetros do son como fenómeno acústico considerados e estudados tradicionalmente. Pero a estas catro cualidades hai que engadirlles unha máis que toma vida e emerxe no contexto dunha sala ou espazo concreto: a resonancia. “Resonancias en Movemento” é un espectáculo de música e danza que reflexiona sobre as diferentes formas nas que a resonancia pode ser tratada e abordada, así como os reflexos e fisicalizacións que poden inspirar na danza.

Dende as reverberacións naturais do son dun vibráfono ou dunha lira nos Postludes de Elliot Cole e no Evensong de Stuart Saunders Smith, ata complexas técnicas de retardo-delay electrónico creadas con sistemas dixitais en Hinchinbrook Riffs ou en Diving Bell, pansando por diferentes formas texturais creadas pola mente de compositores que sentiron fascinación por esta máxica cualidade do son, tanto música como danza camiñarán xuntas na busca dunha sinerxia que convirta sensacións paralelas (ondas sonoras e movementos) nun todo máxico.

ACTIVIDADE EXTRAESCOLAR: VISITA A CATALUÑA
		Días:        9, 10 e 11 de abril Para:         4ºESO E 1ºBAC                 Alumnado de Relixión Organiza: Dpto. de Relixión

Esta actividade realízase conxuntamente con outros institutos da cidade e da provincia. O obxectivo é coñecer e apreciar a arte relixiosa, fomentando as relacións con alumnado doutros centros.

ITINERARIO:

08/04 GALICIA-BARCELONA Saída de 1 autobús de Melide ás 21.30 hrs, recollida ao grupo de Monterroso. Saída doutro autobús de Rábade ás 22.30 hrs, recollida resto do grupo en Lugo. Saída de ambos os autocares de Lugo sobre as 23.00 hrs. Noite en ruta.  

09/04 BARCELONA Chegada a Barcelona a media mañá. Comida libre por conta do grupo. Pola tarde visita panorámica de Barcelona acompañados por un guía local. Entrada á Sagrada Familia incluída. Cea libre por conta do grupo e tempo libre. Á hora prevista (23.00 hrs) traslado ao hotel de Calafell (Apartahotel Solimar 3*). Aloxamento.  

10/04 PORT-AVENTURA Almorzo no hotel. Traslado ao Port Aventura (entrada incluída ). Comida incluída no recinto. Ao peche do parque traslado ao hotel. Cea e aloxamento.  

11/04 BARCELONA-GALICIA Almorzo no hotel. Traslado a Barcelona. Visita guiada do Parque Güell. Despois da visita regreso cara a Galicia. Cada grupo regresará ao seu lugar de partida.

En lugar do Parque Güell, pararase en Zaragoza para visitar a Catedral-Basílica da Nosa Señora do Pilar.

ACTIVIDADE COMPLEMENTARIA: TUS FINANZAS, TU FUTURO.
		Días:      16 e 23 de marzo, 13 de abril Horas:    13:30 - 14:20 Lugar:    Aula 05 Para:      3º ESO A e B

Actividade solicitada polo Departamento de Orientación.

O programa de educación financeira "TUS FINANZAS, TU FUTURO", está impulsado pola Asociación Española da Banca e a Fundación Junior Achievement. A educación financeira pode marcar o futuro dos xóvenes de hoxe, que poderán tomar decisións financeiras sólidas no futuro se comezamos a formarlles en materias económicas desde a escola.

Dirixido ao alumnado de 3º de ESO, este proxecto enmárcase dentro do Plan Nacional de Educación Financeira e no que participarán máis de 5.000 alumnos de toda España.

O programa consta de tres sesións de 50 minutos cada unha, na que os alumnos/as realizarán exercicios e xogos prácticos para aprender a realizar un orzamento equilibrado, tomar conciencia da importancia da planificación e o aforro, e aprender diferentes tipos de investimentos.

A actividade levarase a cabo na hora de titoría e será implementado por voluntarios, profesionais do ámbito económico e financeiro e traballadores dos bancos participantes.

Web de Junior Achievement Web de Junior Achievement - JA Spain Descrición do programa Vídeo dos voluntarios

Junior Achievement é a maior organización internacional sen ánimo de lucro do mundo en educación emprendedora, realiza o seu labor formativa e social no ámbito do emprendemento.

A Fundación Junior Achievement (xunto coa Fundación Alcoa) impulsa tamén o programa “JA Construye tu carrera”, solicitado polo noso instituto, enmarcado dentro da materia de Tecnoloxía.

O Plan de Emprendemento no Sistema Educativo de Galicia, eduemprende, brinda aos centros educativos de Galicia a participación neste tipo de proxectos, en aras de lograr un avance na cultura emprendedora do noso alumnado, necesaria para posibilitarlles un futuro mellor tanto para eles como para a nosa comunidade. http://www.edu.xunta.es/fp/node/12578