Actividades extraescolares

ACTIVIDADE COMPLEMENTARIA: Visita cultural LUGO ROMANO
		Día:         04 de xuño Hora:       08:50-14:20 Lugar:      Lugo centro Para:        ACC e 4ºPDC

Visita a diferentes lugares da cidade de Lugo de interese arqueolóxico.

O Lugo romano é algo máis que a muralla. Debaixo da cidade actual escóndese a antiga Lucus Augusti. A gran cantidade de restos arqueolóxicos atopados confírmana como unha auténtica cidade romana, xa que presenta os seus elementos definidores (foro, calzadas, termas, templos, necrópoles, acueduto...). Os/as alumnos/as coñecerán parte destes restos que están musealizados e farán un percorrido polo Lugo Romano.

	A Sala de Exposicións Porta Miñá é un museo situado en Lugo,  que acolle unha mostra de restos arqueolóxicos romanos atopados na cidade. A sala Porta Miñá atópase fronte á porta da Muralla da que recibe o seu nome. A sala acolle unha exposición con restos de catro épocas do Lugo romano: a conquista, o esplendor, a fortificación e o ocaso.
	A Casa dos Mosaicos está situada na rúa Doutor Castro, coñecida popularmente como rúa das Docerías, pegada á Praza Maior. A casa na que se atoparon os mosaicos, e onde están expostos, foi unha casa grande que, segundo os restos achados, foi construída entre os séculos I e II. Dentro da casa pódense atopar antigos mosaicos e pinturas murais decorativas, bases de columnas e os restos do hypocaustum o cal aseguraba a calefacción da casa. Dentro realízase ademais unha montaxe audiovisual que reproduce o que foi a vida nesa casa.
Tamén visitarán o Centro Arqueolóxico de San Roque, o Centro de Interpretación da Muralla, a Domus de Mitreo e se dera tempo o Museo de Lugo.

Fonte da información: A Galipedia

ACTIVIDADE EXTRAESCOLAR: Viaxe cultural CELANOVA
	Día:         26 de maio Organiza:  EDNL e Dpto. Lingua Galega Hora:       08:50-20:30 Lugar:      Celanova - Ourense Para:        3º ESO-A e 4º ESO

A Fundación Curros Enríquez acolle numerosos grupos de estudantes que se achegan a Celanova para visitar a Casa dos Poetas e para realizar algunha das actividades organizadas en torno aos escritores da vila. O programa “Ven coñecer a Celanova de Curros e Celso Emilio” combina as visitas á Casa dos Poetas, ó Mosteiro de San Rosendo e a Vilanova dos Infante, cun percorrido urbano a través da poesía pola vila de Celanova.

PROGRAMA DA ACTIVIDADE:

Traxecto LUGO - CELANOVA – OUTARIZ -LUGO

Pola mañá: Vilanova dos Infantes, Casa dos Poetas e Mosteiro de San Rosendo.

Descanso para comida (que levarán da casa)

Pola tarde: Ourense, nas Termas de Outariz.

Chegada estimada a Lugo 19:30 h

Fotografías

ACTIVIDADE COMPLEMENTARIA: XORNADA COR de L'OREAL
		Día:         13 de maio Organiza:  Dpto. Imaxe Persoal Lugar:      Aula 23 Para:        2º CM PECOCA

Alumnado do Ciclo Medio de Peiteado e Cosmética Capilar recibirá un curso de cor de L'OREAL, marca de orixe francesa, líder no sector. A finalidade desta MasterClass é formarse como futur@s profesionais e coñecer as novas tecnoloxías e tendencias, en constante innovación.

A actividade consistirá na demostración e traballo por parte do alumnado sobre o cambio de cor do cabelo.

Non é a primeira vez que esta marca colabora co Instituto e é de agradecer, polo ben dos nosos e das nosas estudantes. 

Web de L'oréal

ACTIVIDADE COMPLEMENTARIA: "SI CONTROLAS, VUELVES"
		Día:       15 de maio Horas:    11:50 - 14:20 Lugar:    Salón de actos Para:      4ºESO, 1ºBAC e FP Básica

AESLEME (Asociación para o estudo da lesión medular espinal) está especialmente sensibilizada coa prevención da lesión medular e cerebral en nenos e novos.

Esta campaña ten como obxectivo transmitir aos mozos de máis de 16 anos, que o consumo de alcol e outras drogas é totalmente incompatible coa condución de calquera tipo de vehículo.

Así monitores de AESLEME, en cadeira de rodas como consecuencia dun accidente, imparten unha sesión formativa de noventa minutos, sobre o efecto do consumo de alcol, drogas e demais sustancias aditivas en relación á condución de vehículos.

Máis información

ACTIVIDADE COMPLEMENTARIA: "TE PUEDE PASAR A TI"
		Día:       8 de maio Horas:    11:50 - 14:20 Lugar:    Salón de actos Para:      1º, 2º E 3ºESO

AESLEME (Asociación para o estudo da lesión medular espinal) está especialmente sensibilizada coa prevención da lesión medular e cerebral en nenos e novos. Mediante esta campaña de prevención de accidentes "Te puede pasar a ti" trata de que os mozos realicen hábitos de conduta seguros e responsables.

A conferencia levarase a cabo por un equipo de profesionais formado por un médico ou D.U.E. e unha persoa con lesión medular por accidente, e durará, aproximadamente, 2 horas. Constará dunha presentación amena e atractiva, con vídeos ilustrativos, e adecuada ás idades dos asistentes.

Máis información