SELFIE é unha ferramenta en liña que permite reflexionar sobre a utilización das tecnoloxías dixitais. Recopila as opinións dos equipos directivos, profesorado e alumnado e presenta esta información nun formato que axuda a identificar os puntos fortes e débiles do centro.

SELFIE non compara nin valora. Todas as respostas son completamente anónimas. SELFIE está cuberto pola lexislación en materia de protección de datos persoais e confidencialidade.

A maior parte das preguntas están organizadas en áreas temáticas e deberán responderse seleccionando una opción de la escala de cinco puntos.

Poderás elixir o idioma empregando antes de comezar a cubrir a enquisa (ou se borrarán as respostas). Para cambiar o idioma tes un menú despregable na parte superior dereita da pantalla.

En menos de 30 minutos cubrirás o SELFIE, pero, en calquera caso, deberá enviarse no prazo de dúas horas dende a primeira resposta. Unha vez rematado o cuestionario, poderás descargar un certificado de participación personalizado.

Non deixes a pasar a oportunidade de que a túa opinión sexa valorada. Conecta co teu usuario á aula virtual e verás un botón para facer o SELFIE.

Tralas últimas eleccións ao Consello Escolar do IES de Monterroso resultaron elixidos nove novos membros: Tres estudantes, dúas persoas do sector de familias, unha persoa do personal non docente e tres docentes.

Sector alumnado

• Antón Gontá Álvarez
• Natalia Fernández Guerreiro
• Lydia Díaz Sánchez

Sector familias

• Nuria López Maté
• Sonia Rodríguez Gómez

Sector personal non docente

• Mª Soledad García Pacior

Sector docente

• Mª Luisa Carro Cabaleiro
• Mª Dolores Mariño Otero
• Miguel Rico Gómez

Últimas eleccións: Novembro 2021

O pasado venres 5 de novembro o alumnado de Cultura Científica de 4º ESO saiu a recoller mostras biolóxicas e a facer medicións no río Ulla ao seu paso polo concello de Monterroso.

O alumnado visitou dous puntos do río, un augas arriba e outro augas abaixo da estación depuradora, co fin de determinar a calidade ecolóxica da auga antes e despois da incorporación das augas residuais depuradas ao río.

A saída foi cuberta por un periodista e a actividade saiu no xornal La Voz de Galicia o sábado 6 de novembro. A noticia pode consultarse na seguinte ligazón:

https://www.lavozdegalicia.es/noticia/lugo/2021/11/13/alumnos-monterroso-controlan-calidad-ecologica-aguas-ulla/0003_202111L13C7991.htm

Nos seguintes meses o alumnado de todo o centro traballará coas mostras recollidas para determinar o posible impacto das augas residuais da estación depuradora do concello no río Ulla.

Saímos o sábado 13 de novembro no medio "La Voz de Galicia" tanto en portada como na sección local! Segue lendo para ver as fotos.

Na portada da edición de Lugo

O martes 23 de novembro, disfrutamos do Monólogo de Caxoto "Micromachista eu?" no IES de Monterroso. Empregando diversos contos tratou o tema dos micromachismos. Agradecemos ao Concello de Monterroso por axudar económicamente coa actividade.

O mércores 17 de novembro tivo lugar no IES de Monterroso unha actividade organizada pola ANPA. Branca Villares impartiu un obradoiro con motivo do día contra a violencia de xénero no que participou o alumnado de 1º e 2ª da ESO.

 O alumnado de 4º da ESO do IES de Monterroso, na asignatura de debuxo artístico, realizou estes traballos sobre a Feira de Santos.

O alumnado de debuxo artístico de 2º de Bacharelato realizou estes debuxos inspirados nas ilustracións de Fernando Vicente. A edición de Drácula de Bran Stoker coas súas ilustracións atópase na biblioteca do centro.

Do 13 ao 19 de outubro tivo lugar no IES de Monterroso, nos grupos de 1º de Ciclo Medio de Sistemas Microinformáticos e Redes e 2º de FP Básica de Informática de Oficina, a actividade Codeweek.

Actividade integrada na iniciativa europea #CodeWeek (9 a 24 outubro de 2021) a semana europea da programación, na que tentamos achegar o pensamento computacional para a resolución de problemas mediante a realización dun proxecto de robótica básico e aplicación práctica da impresión 3D.

As/Os estudantes realizaron un proxecto paso a paso (desde a lóxica ata a implementación) para construir unha barreira activada mediante sensores de presenza empregando ARDUINO, actuadores e sensores.

A impresión de certos elementos coa impresora 3D permitu aos estudantes coñecer esta tecnoloxía e o seu emprego práctico.

https://codeweek.eu/view/375212/iniciacion-a-la-robotica-y-3d
https://codeweek.eu/

Relación de libros de texto para o curso 2021-2022

Con data do 20 de maio de 2021 a Xunta publicou a Orde pola que se regula a participación no fondo solidario de libros de texto e se convocan axudas para adquirir material escolar destinadas ao alumnado matriculado en centros docentes sostidos con fondos públicos para o curso escolar 2021/22.

O prazo de entrega de solicitudes remata o 22 de xuño de 2021.

Información

Anexos I y II