IES Monte Neme

FP - Visita a CELSA

Mér, 20/11/2024 - 18:03

Co obxectivo de coñecer máis o mundo da siderometalurxia, o alumnado de 1º curso de Mecatronica Industrial e 2º de Mecanizado visitaron as instalacións da empresa CELSA, situada na Laracha.

Enreguéifate

Mar, 19/11/2024 - 13:18

Esta semana, contamos coa presenza de Lupe Blanco e Josinho da Teixeira; os cales introducirán a arte da regueifa entre o alumnado de 1º e 2º da ESO.

O proxecto Enreguéifate pretende difundir a improvisación oral para promover o uso da lingua galega entre a mocidade.

Premios concurso de relatos de medo e logotipo EDLG

Xov, 14/11/2024 - 12:48

Entregados os premios dos concursos de relatos de medo e do logotipo do Equipo de Dinamización da Lingua Galega.

Os primeiros premios do Concurso de relatos de medo recaeron en Noa Fraga García (mellor relato do 1º ciclo da ESO) e Salma Lamas Lagoa (mellor relato do 2º ciclo da ESO). Os accésits foron para Natalia Lavandeira (1º ciclo da ESO); e Marta Eirís e Issei M. Suárez (2º ciclo da ESO).

Pola súa parte, no Concurso do logotipo, o primeiro premio foi para Lara Fondo Santos (1º de Bacharelato). Os accésits recaeron en Aroa González Sanmartín e Berta Díaz Nieto.

Parabéns a todas e a todos pola súa implicación e a calidade dos traballos!

Concurso de Teatro Lido Xosé Manuel Eirís - Premios

Mar, 12/11/2024 - 13:33

O grupo "Cambio Blanco", formado polos alumnos Abel Antelo, Raúl Lista e Javier Recarey (e coordinados pola profesoras Isabel Ramos e Adriana Varela), gañaron o 1º premio da categoría de ESO e Bacharelato do XXIII Concurso Escolar de Teatro Lido " Xosé Manuel Eirís", organizado polo Festival Internacional Outono de Teatro (FIOT).

Realizaron unha fantástica interpretación da peza teatral de Fran Godón "Presos – Finlandia".

Agrademos a esforzo de todo o alumnado participante e agardamos que isto sexa un punto e seguido na nosa traxectoria neste certame de teatro.

Club de Ciencia - A maxia nas reaccións químicas

Mar, 12/11/2024 - 12:53

Nesta nova xuntanza do Club de Ciencia, a experimentación con diferentes reaccións químicas permitiunos inchar globos sen necesidade de soprar ou facer lámpadas de aceite.