Este xoves 13 de abril, o alumnado de 1º ESO visitou as vilas de Mondoñedo e Ribadeo. Primeiro, camiñamos polas rúas mindonienses e coñecemos os seus ilustres escritores. Logo, achegámonos ata o barrio dos Muíños e a Ponte do Pasatempo. Xa en Ribadeo, fixemos un pequeno roteiro desde a Illa Pancha ata o Cargadoiro. Despois, unha guía turística, Ana, explicounos o pasado indiano da vila. O noso último destino foi a Praia das Catedrais. Seguimos, polo tanto, os pasos de Lois e a súa panda de amigos, protagonistas do libro A Gruta da Torre.