IES Miraflores

A “II Carrera de la Luz IES Miraflores” é unha iniciativa pioneira na que desde o centro escolar organízase unha actividade deportiva, popular e solidaria. Os fondos recadados polas inscricións dos participantes serán doados na súa totalidade á ONG Dididai. Esta organización sen ánimo de lucro traballa en Bal Mandir, o maior orfanato do Nepal, que acolle mozos e mozas con diversidade funcional. Dididai colabora con este centro de Katmandú para que os menores reciban educación e atención especializada, de forma que melloren as condicións de vida deles e das persoas que os atenden. A proba está organizada polo Instituto de Ensino Secundario Miraflores de Oleiros (A Coruña). O percorrido da proba será en circuíto de asfalto, no Polígono industrial de Iñás (Oleiros), pechado ao tráfico e iluminado. Pasará por Rúa Barbanza, Rúa Salnés, Rúa Soneira e Rúa Silvas. A saída e a meta estarán instaladas nas naves do viveiro municipal de empresas. O horario de comezo da proba será as 20.00. A orde de saída das diferentes categorías será o seguinte: 

INSCRICIÓNS.

Ata o xoves 15 de Marzo ás 24:00.

Límite de inscritos: 500 corredores por orde de formalización.

Prezo das inscricións: Menores de 18 anos. Donativo de 4€. A partir de 18 anos (cumpridos o 16/03/2018). Donativo de 6€.

Dorsal Cero: Habilítase unha inscrición opcional denominada “dorsal cero”, para aquelas persoas que queiran colaborar cos proxectos da ONG Dididai. Poderanse realizar inscricións presenciais, o día da carreira, ata as 20:00 da tarde.

PROCEDEMENTO DE INSCRICIÓN.

A.- Utilizando o formulario desta páxina web no seguinte enlace:

FORMULARIO DE INSCRICIÓN

B.- Enviando un e mail a carreradelaluzmiraflores@gmail.com antes das 24:00 do 15 de marzo de 2018 coa seguinte información:

Datos persoais: nome e apelidos, data nacemento, Nº DNI.

Resgardo ingreso en conta: IES MIRAFLORES ES08 2080 0064 9230 4001 6160. Concepto: "Inscrición Nome participante"

C.- Presentándose no IES MIRAFLORES (Avda. Miguel Hernández 8-15173 Oleiros - A Coruña 881 880845). Neste caso pódese realizar o pago da inscrición en efectivo.

Pola mañá do 12 ao 15 de marzo de 10:00 a 10:30 e de 12:00 a 12:30. Pola tarde o luns 12 e martes 13 de marzo de 16:00 a 18:00. 

O mércores 7 de febreiro doce alumnos de 1º de bacharelato participaron na fase galega da IX Olimpiada de Xeoloxía na facultade de Bioloxía da USC. As probas de grupo comezaron pola mañá  cunha "xincana xeolóxica" na mesma facultade e tamén  polo Campus Sur . Xa pola tarde tivo lugar a proba individual seguida dunha charla ofrecida polo decano Antonio Segura, orientada ás saídas profesionais do grao de Bioloxía. Posteriormente todos os que o desexaron visitaron os laboratorios de Microbioloxía, Xeoloxía e o animalario da facultade.

Parabéns a todos pola experiencia!

A Consellería de Cultura, Educación e Ordenación Universitaria duplica este ano as prazas de estadías lingüísticas para o alumnado ao convocar un total de 1400. 

Podedes obter información máis completa no blog do Departamento de Orientación.

http://lacoladelperro.blogspot.com.es/2018/02/educacion-duplica-as-prazas-de-estadias.html

Dende a semana pasada o centro dispón dun equipo DESA (DesfibriladorSemi automático), o que o converte nun espazo cardioprotexido para todos.

 “Espazo Cardioprotexido” é aquel lugar que dispón dos elementos necesarios para asistir a unha persoa nos primeiros minutos dunha parada cardíaca.

A correcta atención á parada cardiorrespiratoria consiste na aplicación precoz dunha serie de accións coñecidas como cadea de supervivencia, que inclúe, por esta orde, o recoñecemento da situación e activación do sistema de emerxencias sanitarias, o inicio inmediato das manobras de soporte vital básico, a desfibrilación eléctrica precoz e a rápida instauración das técnicas de soporte vital avanzado. O único tratamento eficaz contra a fibrilaciónventricular é a desfibrilación eléctrica precoz.

Os profesores e o persoal do centro recibirán formación sobre a utilización deste equipo.

A adquisición foi posible grazas á colaboración do AMPA.