Skip to Content

Somos Miraflores

Avda Miguel Hernández, 8. 15173- Oleiros (A Coruña).

Tno: 881 880 845. e-mail: ies.miraflores@edu.xunta.es

O BO, SI BREVE... ACHEGAMENTO Á MICROFICCIÓN.

Mér, 11/04/2018 - 05:15

Os días 6 e 7 de abril tivo lugar nas Torres de Santa Cruz a actividade " O bo se breve...", unha amena introducción ao microrrelato guiada pola profesora e escritora Isabel Andrés, da Universidade de Salamanca.
O alumnado de 3º de ESO participou con entusiasmo e demostrou a súa creatividade poñendo  título e facendo  interpretacións e análisis moi interesantes dos  moitos microrrelatos que alí se mostraron. 

ENCONTRO LEDICIA COSTAS

Mér, 11/04/2018 - 02:48

O luns 9 de abril pola tarde o alumnado de 1ºESO desprazouse ata á Torres de Santa Cruz onde as Bibliotecas Municipais tiñan preparado  un encontro coa autora Ledicia Costas. Levaban moitas preguntas sobre o libro Jules Verne e a vida secreta das mulleres planta. E ao noso alumnado quedoulle claro que para unha rapaza de Vigo como Ledicia, lectora e admiradora de Jules verne na adolescencia, descubrir que o grande da literatura xuvenil estivera na súa cidade en dúas ocasións causáralle un grande impacto. E claro, como escritora non se puido resistir a recrear esa visita de Verne. Algúns preguntaron como se iniciara como escritora. E deulles un consello que nos encantou: primeiro hai que ler, ler moito.

AULA DO MAR DE MERA E ROTEIRO COSTA DE DEXO

Mér, 11/04/2018 - 02:44

 

 

Os días 5 e 6 de abril os tres desdobres  da materia de Bioloxía e Xeoloxía de 1º ESO realizaron unha visita á Aula do Mar do CEIDA e un roteiro pola costa de Dexo. Esta actividade estivo dirixida por persoal do CEIDA.

O primeiro día destacamos o roteiro pola costa de Dexo  e comprendimos de primeira man o que o significa un Monumento Natural.  Baixamos ata o Porto de Dexo e alí explicáronnos como influiu na marea a construcción do dique de abrigo e o uso deste pequeno porto en épocas pasadas.  Polo camiño, fixemos varias paradas nas que nos ían explicando as adaptacións da flora á influencia da salinidade da costa, as especies de aves máis representativas da contorna  como os cormoráns, o paíño, etc e aspectos máis xelóxicos como o  da a formación dos bufadoiros, o desgaste da acción mariña sobre os cantís, etc, ….

O segundo día tivemos moi mal tempo, e a actividade tivo que ser adaptada ao interior da Aula do Mar. Alí ademais de atender ás explicacións sobre os diferentes tipos e usos que se lle poden dar aos faros aprendimos aspectos sobre flora, fauna e elementos etnográficos deste entorno protexido. Xa avanzada a mañá trasladámonos ao Castelo de Santa Cruz onde nos explicaron a súa historia e fixemos dinámicas de grupo.

 

ÉXITO DA "II CARRERA DE LA LUZ"

Mar, 03/04/2018 - 05:41

Eles son só unha pequena representación dos alumnos que participaron dalgunha maneira na II Edición da "Carrera de la Luz". Cada un buscou o seu sitio: algúns correron, outros participaron cun dorsal 0, a outros os vistes no gardarroupa, na gardería, axudando aos pais co chocolate, desenvolvendo o sorteo de premios, entregando dorsais ou no punto de avituallamiento.

Despedimos esta Edición da "Carrera de la Luz" facéndolles unha homenaxe porque os alumnos sempre son e serán os protagonistas de calquera bo proxecto educativo que desenvolva unha escola. Todos os corredores que formalizastes as vosas inscricións, todas as empresas que fixeron achegas, todos os que dalgunha maneira colaborastes, conseguísteis enviar 3.282 euros a Nepal pero, o máis importante, é que colaborastes na trasmisión duns valores aos nosos novos alumnos: a implicación e participación directa en accións solidarias aínda que as cousas non saian tan perfectas como a todos gustaríavos, a importancia de valorar as necesidades dos demais e valorar o que se ten, a importancia de participar sen a presión de ser o gañador. Por un día, imos permitirnos ir en contra das "normas" da sociedade na que vivimos, imos tentar conseguir algo todos xuntos, chegando á meta de primeiros ou de últimos, cada un dunha maneira, sen competencia. Todos temos capacidade para levar "LUZ".

Ata a próxima edición.

SIMULACRO DE EVACUACIÓN.

Ven, 23/03/2018 - 10:15

Onte, xoves 22 de marzo, realizouse un simulacro de evacuación do instituto. Simulouse a existencia dun lume nas cociñas do comedor que deu lugar á evacuación de todos os alumnos do centro de maneira controlada. En pouco máis de 6 minutos as aulas estaban baleiras coas xanelas e portas pechadas e todos os alumnos acompañados polos seus profesores ordenados en filas nas pistas exteriores.

Haberá que continuar practicando o protocolo de evacuación de maneira regular para puír pequenos detalles que poden ser mellorados.

POESÍA E TEATRO DE FEDERICO GARCÍA LORCA.

Lun, 19/03/2018 - 07:47

No marco das actividades de fomento da lectura organizadas pola biblioteca Rialeda, os nosos alumnos/as  de 4º de ESO asistiron á declamación de fragmentos das principais obras  (incluída Seis poemas galegos)  do noso poeta máis universal. 
Levados da man pola arte de Soledad Felloza, poideron así acceder a unha privilexiada toma de contacto  con  este emblemático integrante da xeración do 27, tema que forma parte do currículum de 4º e que estudaremos na seguinte avaliación.
A atención e o comportamento do alumnado foron moi satisfactorios.

Profesoras acompañantes:
Esther Lorenzo e Beatriz Lage.

VISITA INSTALACIONES PULL&BEAR.

Xov, 08/03/2018 - 10:14

O pasado venres 23 de febreiro os/as alumnos/as de 2ºBach de economía foron de visita a unha das empresas do grupo Inditex: Pull and Bear ás súas instalacións de Narón (Ferrol). Alí explicaronlles e puideron ver de primera mano como se desenvolve o proceso loxístico da multinacional. Despois diso foron ás oficinas onde lles explicaron o proceso de diseño e creación das prendas, viron a tenda piloto, as diferentes prendas confeccionadas e por último puideron observar as diferentes seccións (recursos humanos, compras, fotografía...) e a forma de traballo que se leva a cabo na multinacional. Todo isto serviulles para ver na vida real parte dos contidos dados na clase e ver o funcionamiento dunha gran multinacional, o seu proceso de traballo e organización.

VISITA ALUMNOS FRANCESES LYCÉE LE GARROS DE AUCH.

Xov, 08/03/2018 - 05:56

O martes 6 de marzo recibimos a visita dun grupo de alumnos franceses do Lycée Le Garros de Auch. Con este centro levamos xa feitos 4 intercambios nos derradeiros anos e a nosa vocación é a de continuar con este proxecto nos vindeiros cursos, habida conta da enorme riqueza que reporta aos nosos alumnos, non so no eido lingüístico senón tamen no ámbito da experiencia humana.

PROCESO ESCOLARIZACIÓN CURSO 2018/2019

Xov, 01/03/2018 - 12:33

 

PRAZO DE PRESENTACIÓN DE SOLICITUDES DE ADMISIÓN:  DO 1 AO 20 DE MARZO DE 2018 AMBOS INCLUIDOS.

 

 

 

DOCUMENTACIÓN: IMPRESO SOLICITUDE + FOTOCOPIA DO DNI OU LIBRO DE FAMILIA + CERTIFICADO DE MATRÍCULA

 

  • OS SOLICITANTES DEBEN SINALAR OS CONCEPTOS DO BAREMO NOS QUE DESEXAN SER PUNTUADOS.

     

    NO CASO DOS CENTROS CON MÁIS DEMANDA QUE OFERTA DE PRAZAS:

  • PRAZO PRESENTACIÓN DA DOCUMENTACIÓN XUSTIFICATIVA DOS CRITERIOS DE BAREMACIÓN ALEGADOS XUNTO CUNHA COPIA DO ANEXO II:  DO 23 DE MARZO AO 6 DE ABRIL DE 2018.

     

    PUBLICACIÓN DAS LISTAXES PROVISIONAIS:

  • ANTES DO 25 DE ABRIL (PRAZO DE 5 DÍAS HÁBILES, CONTADOS A PARTIR DO SEGUINTE AO DA SÚA PUBLICA­CIÓN, PARA PRESENTAR RECLAMACIÓN ANTE O CONSELLO ESCOLAR)

     

    LISTAXES DEFINITIVAS:

  • ANTES DO 15 DE MAIO

  • CONTRA A RELACIÓN DEFINITIVA, AS PERSOAS INTERESADAS PO­DERÁN INTERPOÑER RECURSO DE ALZADA ANTE A PERSOA TITULAR DA XEFATURA TERRITORIAL, NO PRAZO DUN MES CONTADO A PARTIR DO DÍA SEGUINTE AO DA SÚA PUBLICACIÓN.

     

    PRAZO ORDINARIO DE MATRÍCULA: DO 25 DE XUÑO AO 10 DE XULLO

     

    PRAZO EXTRAORDINARIO DE MATRÍCULA: DO 1 AO 10 DE SETEMBRO

     

 

NORMATIVA REGULADORA

·      Lei Orgánica 2/2006, do 3 de maio (BOE do 4), de Educación (LOE), modificada pola Orde de 25 de xaneiro de 2017 (DOG do 1 de febreiro).

·      Decreto 254/2012, do 13 de decembro (DOG do 26), polo que se regula a admisión do alumnado en centros docentes sostidos con fondos públicos que imparten as ensinanzas reguladas na LOE.

·      Orde da Consellería de Cultura, Educación e O. U. do 12 de marzo de 2013 (DOG do 15) pola que se regula o procedemento de admisión do alumnado no segundo ciclo da educación infantil, educación primaria, educación secundaria obrigatoria e bacharelato en centros docentes sostidos con fondos públicos.

·      Instrucións da Dirección Xeral de Centros e Recursos Humanos sobre o proceso de admisión de alumnado para o curso académico 2018-19.

 

CHARLA CEIDA 2º ESO

Mar, 27/02/2018 - 04:24

O pasado martes, 20 de febreiro, o alumnado de 2º ESO recibiu na biblioteca a visita de Sergio París. Este técnico do CEIDA veunos dar unha charla sobre os efectos da catástrofe do Prestige e axudounos a profundizar no coñecemento dun suceso tan relevante na nosa historia recente. Coa exposición de Sergio aprendemos datos sobre o labor de recuperación que desenvolveron organismos e voluntarios e, por outra banda, espertamos en nós a conciencia de que cómpre coidar do mar como fonte de vida.

Distribuir contido


by Dr. Radut