Punto Laranxa contra o acoso escolar
Inicio

Lingua Galega

CONEXIÓN ÁRTABRA

Enviado por Zalaeta o Mar, 06/06/2023 - 18:29

Na mañá do día 1 de xuño o alumnado de 3.º ESO A, D e PDC do IES Ramón Menéndez Pidal recibiu a visita do alumnado de 3.º do IES Ferrol Vello dentro do plan proxecta de innovación lingüística "Conexión ártabra" que docentes e alumnado de ambos os centros están a desenvolver durante este curso. O alumnado visitante desfrutou do roteiro preparado polo noso alumnado e, despois, realizaron conxuntamente unha xincana pola cidade vella.

MANDADOS DO MECO

Enviado por Zalaeta o Sáb, 11/02/2023 - 15:17

O Meco, xunta co alumnado de 3.º da ESO, fannos chegar os seus mandados para dar inicio a este Entroido 2023.

 

17 DE MAIO: LETRAS GALEGAS

Enviado por Zalaeta o Mér, 18/05/2022 - 15:09

 

Celebramos este día das nosas letras con diversas actividades. Unha, xincana polo instituto para coñecer máis a Florencio Delgado Gurriarán, murais e traballos sobre o autor realizados por 1.° e 2.° da ESO, e expostos coa colaboración de 3.°B da ESO, e xogos sobre os libros que se leron este ano e sobre as persoas ás que se lles dedicou o Día das Letras Galegas. Ademais, contamos coas visitas de Estíbaliz Espinosa e de Laura Romero.

23 DE FEBREIRO: DÍA DE ROSALÍA

Enviado por Zalaeta o Mér, 02/03/2022 - 07:12

ROTEIRO POLA CORUÑA:

O alumnado de 3.° de ESO do IES Ramón Menéndez Pidal comezou o día 22 a celebración do Día de Rosalía cun roteiro que percorría os principais puntos de conexión entre a autora, a súa obra e a cidade da Coruña. A organización do roteiro correu a cargo da Asociación Cultural Alexandre Bóveda e por parte do centro contou coa colaboración dos departamentos de Inglés, Lingua Galega e Literatura e Xeografía e Historia. O alumnado desfrutou dun paseo desde o noso centro até o Parrote acompañado do recitado de poemas, da caracterización do século XIX e dos retos propostos pola guía, Carmela Gallego.

VER GALERÍA

VERSOS DE ROSALÍA:

No Día de Rosalía, grazas a Manchea - Imprenta + Artefactos manchea e á Asociación Cultural Alexandre Bóveda, puidemos ver en directo unha imprenta tradicional e sacar os versos de Rosalía de Castro á rúa. O alumnado de 3.° de ESO puido experimentar coa imprenta, ver os tipos, apreciar a arte da composición e levar para a casa un fermoso marcapáxinas cun fragmento da obra de Rosalía de Castro.

VER GALERÍA

 

 

EXPOSICIÓN A MULLER E A MÚSICA

Enviado por Zalaeta o Xov, 16/12/2021 - 17:01

 

Desde o día 3 de decembro, no noso centro contamos coa exposición da Muller e a música. Grazas á xenerosidade de Laura Romero, a ilustradora de cada muller que forma parte das imaxes desta exposición. Cómpre lembrar a importancia da muller na música, de feito aí temos ás Tanxungueiras @tanxugueiras , por exemplo.
Desfrutádea que estará ata as vacacións de Nadal. Realizaremos actividades como xincanas para mergullarnos neste ámbito. O noso agradecemento a Laura Romero.

SAMAÍN 2021

Enviado por Zalaeta o Lun, 01/11/2021 - 09:34

VÍDEO

Últimos Artigos

máis

Theme by Danetsoft and Danang Probo Sayekti inspired by Maksimer