Skip to Content

ELECCIÓNS PARA A RENOVACIÓN DO CONSELLO ESCOLAR

Mar, 19/11/2024 - 09:02 — admin

Recórdase a todos os familiares do alumnado e aos seus representantes legais que mañá mércores 20 de novembro, entre as 17:00 e as 20:00 horas, poderán exercer o seu dereito ao voto para renovar os seus representantes no Consello Escolar. 

ELECCIÓNS AO CONSELLO ESCOLAR. CONVOCATORIA NAIS/PAIS/REPRESENTANTES LEGAIS DO ALUMNADO

Mér, 30/10/2024 - 13:05 — admin

Neste ENLACE poden acceder á convocatoria para as eleccións ao Consello Escolar do sector das nais, pais e representantes legais do alumnado. 

SAÍDA AO MUSEO ARQUEOLÓXICO DA CORUÑA. ALUMNADO DE 3º E 4º DE ESO DE CULTURA CLÁSICA E LATÍN

Mér, 30/10/2024 - 12:06 — admin

Ás dez treinta horas do día 29 de outubro o alumnado de Cultura Clásica e Latín de 3° de ESO e  4° de ESO  comenzaron o seu percorrido dun parasanga desde o Ies María Casares ao Castelo de San Antón, coa finalidade de coñecer de primera man os restos arqueolóxicos romanos e castrexos ou galiacos no seu contexto.
A expedición foi todo un éxito,  ergo estamos feitos uns romanos galaicos!!!

XOVES 31 DE OUTUBRO E LUNS 4 DE NOVEMBRO. DÍAS NON LECTIVOS

Mar, 29/10/2024 - 14:34 — admin

Tal e como consta no calendario escolar para o curso 2024-2025, o xoves 31 de outubro celebraremos o Día galego do ensino non universitario. O luns 4 de novembro foi un dos dous días non lectivos que se solicitaron á Dirección Territorial de Educación e, polo tanto, tampouco haberá clase.

VISITA AO CITIC DA CORUÑA

Xov, 24/10/2024 - 08:53 — admin

Os días 3 e 10 de outubro os dous grupos de 4º ESO visitaron as instalacións do CITIC.

Puidemos comprobar de primeira man algúns dos proxectos máis novedosos que están a desenvolver como o emprego de IA para a detección de enfermidades ou o deseño de robots para recoller de forma selectiva o lixo, tamén tivemos a oportunidade de probar unhas gafas de realidade aumentada.

Foi unha experiencia divertida que esperamos repetir en vindeiros cursos.

Deixamos algunha imaxe da visita.

RENOVACIÓN PARCIAL DO CONSELLO ESCOLAR

Mar, 22/10/2024 - 15:49 — admin

Comunícase que o hoxe martes 22 de outubro de 2024, ás 11:00 horas, na Administración do centro, realizouse o sorteo público para a designación dos membros da Xunta Electoral establecida no Artigo 30 do Decreto 92/1998 segundo redacción dada polo Decreto 324/1994; DOG do 9 de agosto.

Esta Xunta Electoral está integrada por:

  • A directora do centro.
  • Un representante do profesorado.
  • Un representante dos pais/nais do alumnado.
  • Un representante do alumnado.
  • Un representante do persoal de administración e servizos.

 

 

A directora

LIMPEZA PRAIA DE SANTA CRUZ

Lun, 14/10/2024 - 07:52 — admin

O venres 4 de outubro o alumnado de 4º ESO D mostrou a súa faciana máis solidaria participando na limpeza da praia de Santa Cruz xunto co centro Ricardo Baró de Oleiros, nunha actividade deseñada pola Cruz Vermella.

REMO EN SANTA CRISTINA

Lun, 07/10/2024 - 20:50 — admin

O alumnado de 3º ESO comezou a primeira semana de outubro a realizar a actividade de remo, ofrecida polo Concello de Oleiros. O día 3 asistiu o alumnado de 3º ESO B e ao longo do mes irán indo o resto dos grupos dese nivel. Esta práctica forma parte das actividades de auga que cada ano programa o Departamento de Educación Física.

 

VISITA Ó ECOPARQUE MARÍN

Lun, 07/10/2024 - 20:42 — admin

O 30 de setembro o alumnado de 1º ESO gozou dun día de lecer no Ecoparque de aventuras de Marín. Alí, malia que o sol non brillou, estudantes e profesorado probaron as súas habilidades en escalada e tirolina. A seguir visitaron o Parque dos Sentidos, onde puideron relaxarse, desfrutar da auga, dos escorregadoiros e dos instrumentos musicais.

COMEZO DO CURSO ESCOLAR 2024-2025

Ven, 06/09/2024 - 08:32 — admin

O comezo da actividade lectiva do presente curso será o mércores 11 de setembro de 2024. O alumnado de todos os niveis e etapas incorporarase ao centro ás 8:30 horas e permanecerá nel no horario habitual (8:30-14:10).

 O alumnado da ESO accederá ao centro polo acceso principal (rampla); o alumnado de Bacharelato e Formación Profesional Básica, polo acceso posterior da Rúa Uxío Novoneyra.

 Os estudantes de 1º de ESO dirixiranse directamente á Sala de Usos Múltiples; o resto do alumnado, tras consultar as listas dos grupos (haberá paneis informativos nas distintas plantas e no exterior das aulas), accederá ás súas aulas de referencia, onde serán recibidos polos seus titores/as.

Usuarios do transporte escolar

Bus 1 (Dexo Torre - O Couto Dorneda): ás 7.45 h.

Bus 2 (Pinar do Río - Arillo): ás 7.35 h.

Bus 3 (Canide - Santa Cruz): ás 7.45 h.

Bus 4 (Rialta - Santa Cruz): ás 7. 55 h.

Bus 5 (Rialta - Franzomel): ás 7.55 h.

 

Distribuir contido


by Dr. Radut