A CIUG (Comisión interuniversitaria de Galicia) publica na súa web a convocatoria ordinaria da ABAU 2020. Aquí podedes consultar as datas importantes e a documentación para a matrícula na ABAU. PREME en "Leer máis" para acceder a toda a información.

Cando publiquen as cualificacións, o 16 de xullo, se non estás conforme, dispós de tres días para presentar unha solicitude de revisión en NERTA. Indicamos a continuación a información sobre o procedemento de revisión.

Solicitude de revisión: poderase solicitar a revisión da cualificación obtida nun ou varios exames, no prazo de tres días hábiles a partir da publicación das cualificacións.

Prazo de solicitude de revisión: do 17 a 21 de xullo a través da aplicación informática NERTA. Ata as 14:00 h do 21 de xullo.

Procedemento de revisión das cualificacións: consiste nun proceso único que consta de tres fases. Cada exame pasará por unha primeira (P) e segunda (S) corrección e, en función do resultado, pasará a unha terceira (T) revisión. 

Adxúntase documento en pdf onde se poden consultar as consideracións e normas a ter en conta para a realización das ABAU así como o material permitido nas probas. 

Compartimos a guía de estudos superiores da nosa comunidade que publicou no día de onte A Voz de Galicia. Nela podedes consultar información sobre os estudos superiores que se indican a continuación, os cales aparecen clasificados por cores segundo a rama de coñecemento para unha fácil identificación: 

Grao universitario:  a guía aporta información sobre os centros universitarios de Galicia onde se poden cursar, nota de corte de cada universidade, prazas libres no curso anterior de ser o caso, se se trata de dobre grao, materias de Bacharelato que ponderan para cada grao, características e saídas profesionais de cada títulación.

Ciclo superior de Formación Profesional: a guía indica os centros onde se poden cursar, características dos ciclos e saídas profesionais e a nota de corte de Bacharelato se é o caso. 

Artes Plásticas e Deseño, Conservación, Arte Dramático e Música: as características dos estudos, centros onde se imparten e as saídas profesionais son algunhas das cuestións ás que podedes botar unha ollada.  

Másteres: a guía aporta información sobre as características, número de prazas e universidades onde se imparten. 

Ó final do documento tamén se inclúe cuestións relativas ás residencias e becas. 

Podedes consultar a guía no pdf adxunto. 

Se o preferides, tamén podedes facer búsquedas de forma interactiva sobre os distintos estudos no enlace que se indica a continuación: 

 https://estudiarengalicia.lavozdegalicia.es

Compartimos información da Universidade de Vigo, que neste tempo de confinamento levará a cabo unhas xornadas de orientación virtuais, os próximos días 13 e 14 de maio, baixo o nome #ConectaCoaUVigo. Así, deseñou unha serie de accións específicas para manter informados ós centros de secundaria e de FP con respecto ás novidades que se van coñecendo da ABAU e da matrícula, así como sobre a súa oferta formativa e a vida universitaria. Indicamos a continuación as actividades planificadas. Podedes obter máis información de cada unha delas (datas, horarios, programa...), premendo nas mesmas, ou ben despregando o enlace “Leer máis” desta nova. Actividades planificadas: 

Xornada de Orientación Universitaria Virtual 

Xornada de Portas Abertas Virtual 

Orienta: espazo virtual para os equipos de orientación

 #ConectaCoSIE (Servizo de Información ao Estudantado)

Para máis información, tamén podedes consultar o apartado dirixido a futuro alumnado de grao da UVigo, premendo nesta ligazón.

A Escola Superior de Conservación e Restauración de Bens Culturais de Galicia ofrece a posibilidade de visualizar uns vídeos sobre as súas instalacións e actividades. 

Na Escola impártense ensinanzas artísticas superiores nas especialidades de Arqueoloxía, Escultura e Pintura. Para acceder a estas ensinanzas, ademais de ter o título de Bacharelato, é preciso superar unha proba específica de acceso. Podedes consultar esta e outra información no tríptico adxunto e na ligazón. 

Restablécense os procedementos de admisión do alumnado de 2º ciclo de educación infantil, educación primaria, educación secundaria obrigatoria e bacharelato nos centros docentes sostidos con fondos públicos para o curso 2020/2021, tal como se anuncia na Resolución do 5 de maio de 2020 pola que se dá publicidade a diversos acordos do CECOP.

Prazo de presentación de solicitudes de admisión: do 11 de maio ao 18 de maio de 2020

Novos prazos do proceso: 

• Presentación da documentación acreditativa dos criterios de baremo: ata o día 26 de maio de 2020.
• Publicación das listaxes provisionais do alumnado admitido e non admitido: antes do 9 de xuño de 2020.
• Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
• Publicación das listaxes definitivas do alumnado admitido e non admitido: ata o 26 de xuño de 2020.
• Formalización da matrícula en educación infantil, primaria e ordinaria en educación secundaria obrigatoria e bacharelato: do 1 ao 10 xullo. Prazo extraordinario en educación secundaria obrigatoria e bacharelato: do 1 ao 10 de setembro de 2020.