Visita a Porto

Os días 2 e 3 de setembro o alumnado de primeiro curso do bacharelato STEM visitou esta cidade do país veciño no marco do proxecto Phereclos. Foron acompañados dos compañeiros do IES Nosa Señora dos Ollos Grandes e do Xelmírez II, cos que xa traballaran de xeito virtual durante as tres xornadas de emprendemento do pasado mes de abril.

O primeiro día asistiron na Porto Business School a varias charlas sobre innovación en producto e, en grupos, comezaron a traballar con varios proxectos. O segundo día recibiron información interesante na Fundaçao da Juventude, visitaron o Laboratório Ferreira da Silva no Museu de História Natural e Ciência da Universidade de Porto e tiveron tempo de lecer para disfrutar de diferentes atractivos lingüísticos, culturais e sociais nunha gran cidade dun país extranxeiro pero moi próximo ao noso.

Álbum: Sen categoría -> visita Porto