A iniciativa da Área de Cultura da Deputación de Lugo pintouse no centro un mural en homenaxe ao ilustrador Reimundo Patiño ao que se lle adica este ano o Día da Ilustración. A obra, a cargo de Concepto Circo con deseño de Iván Mouronte, rematouse o 7 de abril entre o cedro e o balaústre do muro que linda co CEIP de Casás.

Reimundo Patiño nado na Coruña o 8 de marzo de 1936 foi un pintor e debuxante de banda deseñada galego. 

Comezou no informalismo, e evolucionou cara ao expresionismo, o surrealismo e, na década dos oitenta, o neoexpresionismo. Nos seus cadros pódese observar un caos cheo de cor, e a forma non se aprecia facilmente. Foi membro dos grupos Brais Pinto, A Gadaña e Atlántica. En 1971 realizou a exposición O home que falaba vegliota, composta por enormes páxinas de banda deseñada. En 1975 publicou, con Xaquín Marín, 2 Viaxes, primeiro álbum galego en banda deseñada. 

Agora, este mural inspirado na súa obra, aluma e dá vida e cor ao patio do noso centro educativo. 

Aproveitando o comezo da primavera, o alumnado de 2º da ESO fixo do noso xardín unha improvisada Aula de Música.

Nada mellor que aprender a coñecer os instrumentos que a través da experiencia dos seus propios compañeiros. Varios alumnos/as explicaron as partes, o funcionamento e como se tocan algúns instrumentos de vento, como o clarinete, o bombardino e o trombón. O xardín converteuse na aula perfecta para esta lección de música e para asistir a un mini concerto da man destes tres músicos que interpretaron para os seus compañeiros/as algunas famosas bandas sonoras.

Temos un xardín moi diverso con grandes posibilidades educativas que estamos a explorar a través do contrato-programa eduSostibilidade.

O mércores 30 de marzo un grupo de alumnas e e alumnos do noso centro participou no Campionato Provincial de Orientación. Esta competición está incluída dentro do proxecto de Promoción de Vida Activa e Saudable (Proxecta: Xogade) dirixido polo departamento de EF e no que participa o departamento de Relixión. O noso instituto competiu con 50 alumnos/as acompañados por Miguel, Nati e Luisa. A carreira, organizada pola sección de Orientación do Club Fluvial, tivo lugar no Parque da Milagrosa, cun mapa específico de orientación e catro percorridos distintos por categorías con 15 balizas cada un. Compartimos unha estupenda xornada de deporte e convivencia e felicitamos a todo o noso alumnado pola súa actitude positiva, de esforzo e aprendizaxe. Noraboa aos que ademáis acadaron resultados que lles permitiron estar nos primeiros postos das súas categorías. 

O IES Leiras Pulpeiro quedou primeiro e segundo nas dúas categorías infantil (masculino e femenino) e segundo e quinto nas categorías cadete masculino e femenino respectivamente, o que nos permitirá representar ao noso instituto no Campionato Autonómico (Gaiás, Santiago de Compostela, 23 de abril) nestas categorías. Na categoría individual, mención especial para Carla, Sara, Naira, Ángel e Álvaro polos podios acadados, e parabéns a todos os integrantes deste gran equipo.

EXCURSIÓN Á RIBEIRA SACRA o 24 de marzo dos alumnos de Relixión Católica de 4º ESO.
Comezmos a visita polo Museo Etnográfico e Museo  Xeolóxico de Quiroga para logo dirixirnos  ao mirador do Xeoparque Montañas do Courel en Campodola.

Para rematar visitamos á  Igrexa de O Salvador do Hospital.

Programa de radio con los socios de Toulousse, Todi y Valença do Minho.

Hablamos de la experiencia del proyecto Erasmus y todo lo que ha surgido en esta colaboración.

Locutores: Nuria, Concetta, Celia, Beatriz, Carla, Paula, Ainhoa.
Fondo musical: Oscar
Control: Marta