Un grupo de alumnas e alumnos de 4° de ESO, coordinados por Inma Gayoso, realizou estes podcast sobre temas varios da literatura, arte e cultura galegas. Uns excelentes e completos entrantres para chegarmos por todo o alto ao 17 de maio, día no que homenaxearemos a Francisco Fernández del Riego.
Acaba de ser publicada a convocatoria das becas MEC de carácter xeral para o vindeiro curso 2023/24 (dirixidas ao alumnado de ensinanzas postobrigatorias: BAC, FP grao medio e superior, curso de acceso e preparación para probas de acceso á FP, Ensinanzas artísticas profesionais e superiores, Ensinanzas de idiomas en Escolas Oficiais, Ensinanzas deportivas, estudos relixiosos superiores, Universidades e ademais FP de grao básico). O prazo ábrese do 27 de marzo ata o 17 de maio.
No IES Leiras Pulpeiro seguimos co firme propósito de promover unha alimentación saudable entre o noso alumnado. Desta volta tivemos a sorte de contar coa endocrinóloga do HULA, Rosa Argüeso Armesto. Esta gran profesional da sanidade pública explicoulle ao alumnado de 1° da ESO os principais tipos de alimentos, os nutrientes que nos aportan e as proporcións diarias e semanais recomendadas. Ademais, resolveu numerosas dúbidas e transmitiulles unha serie de consellos para levar unha dieta variada e equilibrada. Consellos que esperemos que apliquen no seu día a día, mellorando a súa saúde e a das súas familias.
