Skip to Content

Acreditación das competencias dixitais do alumnado

Mar, 05/03/2024 - 21:06 — Secretaría

No seguinte enlace poden consultar a información relativa á acreditación das competencias dixitais do alumnado:

https://www.edu.xunta.gal/portal/sites/web/files/20240227_prox_resolucion_acredita_cda_gal_sin_dx.pdf

 

Prazo de inscrición nos centros: ata o 11 de marzo

O vestíbulo do IES de Foz acolle unha mostra sobre educadoras importantes na Historia

Sáb, 02/03/2024 - 21:48 — Secretaría

O vestíbulo do IES de Foz acolle unha exposición sobre a vida e os logros máis relevantes de diferentes educadoras ao longo da Historia. Os encargados de realizar o traballo foron alumnas e alumnos de 1º curso do Grao en Educación Primaria da Universidade de Santiago de Compostela que estudan na facultade de Lugo.

Ademais, os estudantes de 2º de ESO recibiron unha explicación sobre o traballo de catro das alumnas que están agora estudando en Lugo. Ademais de comentarlles como fora o traballo tamén realizaron un xogo no que tiñan que atopar información sobre as educadoras nos paneis da exposición.

            

A saúde física e mental centra diversas actividades durante o mes de abril

Ven, 01/03/2024 - 21:35 — Secretaría

O instituto conmemorou o Día Mundial da Saúde baixo o lema 'A miña saúde, o meu dereito', salientando o acceso universal a servizos de saúde de calidade e á importancia dos coidados diarios para unha vida máis saudable. Un ano máis, este día serve de base para programar unha serie de actividades durante abril e maio, que terán como eixo central a saúde física e mental do noso alumnado. O primeiro deles consistiu en que o profesor de Educación Física, Adrián Levoso, impartiu unha charla sobre hábitos de vida saudables ao alumnado de 1º da ESO.

             

Ademais, tamén se celebrou un obradoiro para o alumnado de Ciencias de 4º de ESO e de 1º de Bacharelato impartido por profesores da Universidade da Coruña sobre como empregamos as matemáticas, a física, a química e a bioloxía para avaliar a condición física.

             

En sintonía coa saúde física e mental, o alumnado de 2º de ESO acudiu a Ribadeo para a celebración do Día da Educación Física na Rúa con máis de 600 participantes de centros educativos da Mariña. A temática deste ano foron os Xogos Olímpicos. Durante a xornada deportiva puideron practicar hockey, atletismo, balonmano, baloncesto, skate, judo, bádminton, voleibol, rugby, remo, tenis de mesa, golf e tenis.

Proceso de admisión curso 2024/2025

Ven, 01/03/2024 - 10:19 — Secretaría

Informamos que hoxe comeza o proceso de admisión de alumnado para o vindeiro curso 2024/2025.

Este proceso afecta ao alumnado que se incorpora por primeira vez ao centro ou cambia de centro.

 

Máis información: https://www.edu.xunta.gal/admisionalumnado

982870287

 

Formulario: ED550B

 

DOCUMENTACIÓN:

  • DNI de todos os membros da unidade familiar
  • Fotocopia libro de familia, se non o teñen certificado de convivencia.
  • Imprescindible: sinatura dos dous proxenitores. 
  • Sentenza de separación ou divorcio, de ser o caso.

 

O IES de Foz colle ideas de Alemaña para a FP

Ven, 01/03/2024 - 00:22 — Secretaría

A directora do IES de Foz, Leticia Maseda, e a xefa de departamento de hostalería, Ana Alonso, estiveron visitando moitos centros de FP Dual en Alemaña. O que máis as impresionou foi a OSZ Gastgewerbe Brillat Savarin, o único instituto de hostelería de Berlín. Algúns datos interesantes son:

- Ten 5.000 alumnos. Chegou a ter 7.000.

- O alumnado está unha semana na escola e dúas semanas na empresa durante tres anos, xa que esta forma de traballar, a dualidade, é a base da FP Dual alemana. 

- É o alumnado o que empeza buscando a empresa para traballar e xa cun contrato achégase á escola para aprender aqueles módulos máis teóricos.

- Un 80% do alumnado remata traballando na mesma empresa na que fai as prácticas.

          

O IES de Foz participa nun intercambio cun instituto de Villemandeur, de Francia

Ven, 01/03/2024 - 00:20 — Secretaría

Un grupo de estudantes do Collège Lucie Aubrac de Villemandeur pasou unha semana con alumnado de 3º de ESO do IES de Foz. Realizaron diferentes actividades como unha visita á lonxa de Burela, á fábrica de Sargadelos ou a Santiago de Compostela.

Alumnos e alumnas de Foz devolverán a visita á vila frances de Villemandeur.

          

Como unimos wifi, chocolate e buracos negros?

Ven, 01/03/2024 - 00:01 — Secretaría

O investigador da Universidade de Vigo Felipe Gómez Cuba impartiu no IES de Foz unha charla co título 'Wifi, chocolate e buratos negros'. Antigo alumno deste centro, enxeñeiro de telecomunicacións e notable investigador, desenvolveu a súa labor antes de volver a Galicia en Nova York, Roma, Washington ou Padova. Asistiron alumnos de 1º de Bacharelato de ciencias así como un grupo de 1º de ESO.

Disertou sobre varios temas que ó longo da charla foi relacionando:

- Que son os buratos negros e a dificultade para poder ser fotografados.

- A transmisión da enerxía a través das ondas e conceptos físicos relacionados con estas como o período e a frecuencia.

- E finalmente, como construír dunha maneira bastante simple un amplificador de sinal wifi a partir dunha lata de chocolate.

         

O alumnado recibe información sobre o traballo nos paradores

Ven, 01/03/2024 - 00:00 — Secretaría

O director do Parador de Ribadeo, Antonio Graña, e o seu maître, Alejandro Lara, viñeron ao IES de Foz para explicar ao noso alumnado a historia de paradores, as posibilidades de traballo e como poder optar ás ofertas de emprego que ofrecen.

            

Foz garda tesouros arqueolóxicos que o alumnado puido coñecer

Mér, 28/02/2024 - 22:00 — Secretaría

O arqueólogo Roberto Bartolomé acudiu ao centro para falar co alumnado de 1º ESO sobre o seu traballo: onde a maioría vemos pedras ou restos minerais inservibles pode haber claves para entender civilizacións pasadas. Ademais, tamén lles explicou aos rapaces e rapazas diferentes lugares de Foz que estiveron habitados no pasado como o castro de Fazouro ou o castro de Nois. Algúns deles están sendo estudados.

         

O IES de Foz acolle a celebración do campionato de baristas e cata de café

Lun, 19/02/2024 - 19:40 — Secretaría

            

Os campionatos de baristas e cata de café do IES de Foz celébranse dende o mércores 21 ata o venres 23 de febreiro no IES de Foz. Trátase da decimosexta edición do campionato de baristas, o decimoprimeiro campionato de cata e o décimo campionato de baristas profesionais.

Pero todo isto non é traballo dun só día, nin dunha soa persoa. Dende o IES de Foz sentímonos especialmente orgullosos da estreita colaboración que establecemos con toda a contorna na que traballamos, dende o IES San Rosendo de Mondoñedo -que elabora os centros de mesa- ata a ACIA Foz-Cca -que organiza un sorteo, aproveitando o campionato, entre todos aqueles clientes que degusten café na hostelería local-. Tamén colaboran diferentes Administracións Públicas.

O evento comezará o mércores ás 16.30 horas coas primeiras intervencións e remata o venres co Campionato de Profesionais. Seguimos co formato usado nos últimos anos: celebración no salón de actos do centro, degustación na nosa furgoneta no exterior do salón e, como novidade este ano, poderase probar o café que elaboren os participantes trala súa intervención. Ademais, nesta edición contamos coa colaboración da Organización de Productores Pesqueros del Puerto de Burela que en alianza coa Asociación de Cociñeiros de Lugo elaborarán receitas con peixe durante a degustación do xoves.

Polo IES de Foz participarán Carmen Barba, na modalidade de Campionato de Cata, e Javier Carreño, na modalidade de Baristas de escolas. Desexámoslles toda a sorte do mundo e, sobre todo, que a experiencia lles sirva para enriquecer e completar a súa formación.

Por último, dar as grazas a toda a comunidade educativa do IES de Foz que colabora xenerosa e activamente para que sexa un éxito, dende o alumnado e profesorado ata o persoal de limpeza, conserxes...

Distribuir contido


by Dr. Radut