ELECCIÓNS AO CONSELLO ESCOLAR
CONSTITUCIÓN DA XUNTA ELECTORAL
De conformidade co establecido na Resolución do 10 de setembro de 2024 da Dirección Xeral de Ordenación e Innovación Educativa (DOG do 18 de setembro de 2024), realizarase próximamente neste centro a renovación do CONSELLO ESCOLAR que é o instrumento de participación na vida de todos os sectores educativos do centro.
A organización e a supervisión do procedemento de eleccións dos novos membros do Consello Escolar estará a cargo da Xunta Electoral que se constituirá ao efecto, e integrada por:
A directora do centro.
Un/unha profesor/a.
Un pai/nai/titor legal.
Un/unha alumno/a.
Un/unha representante do persoal de administración e servizos.
Os catro últimos serán designados por sorteo segundo establece o artigo 30 do Decreto 92/1988, do 28 e abril, redactado conforme ao establecido na disposición adicional primeira do 324/1996, do 26 de xullo (DOG do 9 de agosto). Dito sorteo, que será público e no se preverá a designación de membros suplentes, celebrarase neste Centro o próximo día 18 de outubro. ás 9:30, no hall.
Aqueles membros da comunidade que desexen presentar a súa candidatura para formar parte do novo Consello Escolar deberán seguir as instrucións que figurarán nas distintas convocatorias que próximamante se farán públicas pola Xunta Electoral do Centro.
