Blogues

Máis: Galería de imaxes

O pasado xoves no noso instituto celebrouse a xornada de concentación do concurso OPEN MATEMÁTICO. Déronse cita vintecinco rapaces e rapazas de varios centros: IES Monelos, IES Mugardos e do Programa Estalmat Galicia. A proba resultou complicada pois  unha súbita indisposición dunha participante causou  preocupación nos asistentes - todo se resolveu satisfactoriamente-  e os problemas  resultaron moi complicados,  especialmente os dous últimos.

 Finalmente, o Open 2012 rematou e podemos achegar as clasificacións nas que aparecen alumnos e alumnas do IES Mugardos bastante ben colocados.

Noraboa a todos os participantes en especial a Gonzalo Cao, de Estalmat Galicia por ser gañador do Premio de Beleza.

Wie geht´s?. Da man de Olga Recio, profesora de francés e de Carmen Bernabéu, profesora de física e química, o alumnado do programa dixo as súas primeiras palabras en alemán. Non moitas, pero poideron coñecer características deste idioma e descubrir, por exemplo, o parecido que ten co inglés e como ten declinacións como o latín. Haberá unha segunda sesión que promete ser moi interesante. na imaxe a profesora Olga Recio nun momento da sesión.

Tschüss!

Como visualizamos os diferentes espazos de España? Algo máis que o que vemos den de a ventanilla do coche ou do avión. Así o viron José e Anais.

Rosalía fixo esta presentación, máis breve pero con imaxes interesantes

Fotos de Adrián L. M.

De xeito excepcional a sesión do Programa de Mellora tivo lugar o mércores  pois o luns houbo unha sesión de formación de profesorado que non podía celebrase noutra data. Da man do profesor de matemáticas Jesús Conde, e coa colaboración da tamén profesora de matemáticas, Covadonga Rodríguez-Moldes, o alumnado iniciouse na ciencia da Criptografía.

 Despois de coñecer o vocabulario básico, o alumnado apredeu a usar a escítala lacedemonia, método de encriptar mensaxes usado xa no século V aC en Grecia, despois descubreu o método César dos romanos e rematou a sesión coñecendo os modernos e moi pronto indispensables, códigos QR. As congruencias matemáticas, ferramenta desta ciencia, pereceron ser do agrado dos rapaces.

O Concello de Mugardos anuncia os concursos artísticos que se fallarán nos próximos meses. A maioría deles está aberto aos menores de 18 anos. Consulta as bases:

 V Concurso de Poesía Concello de Mugardos - Día da Poesía (21 de marzo)

XV Concurso de carteis da Festa do Polbo

 XXII Concurso de Pintura Bello Piñeiro e Piñeiro Pose

X Certame de relato curto en galego

Mariño e Iván volven a sorprender cun vídeo entretido, dinámico e cun bo nivel. Prometen amplialo e mencionar a Bakunin, Kropotkin, a CNT e o terrorismo. Non perdades a canción final e ese Tolstoi tan particular. Un vídeo moi pouco educativo pero que dá gusto ver.

O Concello de Mugardos en colaboración con AS.PA.NE.MI (Asociación de Pais de Nenos con Minusvalía) convida a toda a comunidade educativa do IES Mugardos a colaborar na campaña de recollida solidaria de tapóns de plástico para axudar a Sonia, unha nena ferrolá de dez anos que padece Ataxia Telangiectasia. Máis información.

  A cafetería do IES de Mugardos tamén colabora na recollida de tapóns solidarios.

O luns 13, o biólogo e profesor Mundo López, acompañado de Ofelia Lubián -profesora de Filosofía e responsable do blog "O recanto verde"- levaron ao Programa de Mellora un tema bastante compricado: a adecuada alimentación. 

Aprendemos que a pirámide dos alimentos agora substitúese poda Roda dos Alimentos na que hai que fixarse nos tamaños dos sectores (maior tamaño implica conveniencia de consumo) e nos tamaños e colocación dos alimentos nos sectores (maior tamaño implica mellores cualidades alimenticias). Así, podemos comprobar que o aceite virxe é mellor para a saúde que a manteiga e esta mellor que a margarina.

Por certo, na enquisa previa á sesión, varios alumnos/as (cinco ou seis) afirmaron non almorzar, é dicir, chegan ao instituto pola mañá sen ter inxerido alimento algún.  Preocupante pois teñen entre 13 e 14 anos.

O luns 13 de febreiro o biólogo e profesor Edmundo López, acompanado de Ofelia Lubián -profesora de Filosofía e responsable do Blog "O recanto verde"  preparou un tema difícil "Qué comemos?" no que abordou científicamente o compricado tema da alimentación.

Mostrounos que a pirámide dos alimentos é agora substituida pola Roda da Alimentación, máis cómoda de interpretar e na que temos que fixarnos nos tamaños dos sectores (maior tamaño implica máis consumo) e dos tamaños das figuras (maior tamaño implica maior beneficio). As, por exemplo,  podemos ver que é máis beneficioso o aceite virxe de oliva seguido da manteiga e das margarinas.

Por certo, na enquisa previa feita aos rapaces ao inicio da sesión, varios deles (delas), uns cinco ou seis afirmaron que non almorzaban nada, é dicir, que chegan ao instituto sen inxerir ningún alimento dende a noite anterior. Preocupante, son rapaces de 13-14 anos.

O luns 13 foi o profesor Mundo López, biólogo, acompañado de Ofelia Lubián -autora do blog O recanto verde- , abordou un compricado tema: a nosa alimentación.  Unha nova oportunidade de aprender cousas novas e facer un seguemento aos nosos hábitos alimenticios.  A tradicional pirámide dos alimentos é agora substituida pola nova roda dos alimnetos, na que hai que fixarse nos tamaños, tanto dos alimentos (máis grandes=máis beneficiosos) como dos sectores da roda (máis grandes=maior consumo). Atención ao sector no que está o aceite, a manteiga e as margarinas, deben usarse nesa orde: aceite virxe, manteiga e margarina, esta última é a que aporta menos beneficios. Por certo, os rapaces e rapazas asistentes cibriron unha enquisa previa e vairos/as  (cinco ou seis) afirmaron non almorzar nada, é dicir, van a clase polas mañás sen inxerir alimento algún. Preocupante. 

Educación en valores a través do baloncesto

Charla-coloquio dirigida a pais e técnicos impartida por FERNANDO ROMAY e JOSÉ MANUEL BEIRÁN

• DÍA: Venres, 17 de febreiro
• HORA: De 20:00 a 21:30 horas
• LUGAR: Santiago de Compostela. No Hotel NH Obradoiro

Confirmación de asistencia en didacticaparapadres@feb.es

Máis información en
www.fundacion-feg.org 

A Asociación Memoria Histórica Democrática organiza este venres unha homenaxe á figura da mugardesa Amada García en lembraza de todas as mulleres represaliadas durante a Guerra Civil. O acto terá lugar no Castelo de San Filipe, o 27 de xaneiro, ás 17:00 horas.

Máis información

Podedes consultar a clasificación despois da primeira xornada

Este é o material de Astronomia que se vai traballar o luns 23 no Programa de Mellora:

Esta semana comeza o curso "Xestión e mediación de conflitos, dende a perspectiva de xénero". Desenvolverase en seis sesións, ao longo dos próximos venres, no Centro Cívico Municipal. 

DATAS: Venres, 20 e 27 de xaneiro
         Venres, 3, 10, 17 e 24 de febreiro

HORARIO: 16:30-18:30 horas

LUGAR: Centro Cívico Municipal de Mugardos.

Máis información, no Departamento de Orientación.

Neste rap aparece a lonxitude dunha circunferencia, o área dun círculo, os cilindros, as esferas,... todo ligado polo máis famoso dos números irracionais: Pi

Para estas vacacións debedes facer un video individualmente ou en grupo acerca dunha das seguintes cuestións: as revolucións de 1830, as de 1848, o anarquismo, o comunismo (marxismo), a expansión da democracia na Europa do XIX, a loita polos dereitos da muller antes de 1914 e a unificación alemana ou a italiana.

Os videos deberán ter banda sonora da época (non exclusivamente), ofrecer algunha fonte primaria (texto escrito na época),  usar como base o libro de texto (para facer as liñas xerais), incluir anécdotas, imaxes do período, obras arquitectónicas e biografías. Debe indicarse a procedencia do material. Os videos poden facerse como querades, aconsello os tres modelos ensinados na aula: con carteles, con bonecos ou con escenificacións (ou combinación de todas).

Avaliarei a calidade da información, a entrega en plazo, a calidade do son, a amenidade, a duración, o número de membros do grupo e a duración. Espero que o pasedes ben facéndoo.

Pedro I do Brasil, en Power Point. Con moito tráfico interatlántico e a terrible presenza da morte. Un bo traballo de Moabe Sales, que levou moi boa nota.

   A clase de matemáticas de 1º BAC B o xoves 1 de decembro foi unha clase distinta. Houbo cálculos trigonométricos en vivo. Cos fráxiles medidores de ángulos creados para a ocasión e loitando contra o vento, ao final os papaces e rapazas  foron capaces de calcular a pendente da Rúa Alta no seu tramo final, a altura da Igrexa de San Xulián e mesmo canto mide a Cruz coa que culmina a igrexa. Os traballos teñen moita calidade, aquí podedes ver un que se entregou en formato dixital.  Agora teñen outro reto a elixir: a distancia entre Punta Ratón e o Muelle, canto mide a palmera de Mugardos ou en Ares a distancia entre Rampares e o porto. Seguro que fan moi bos traballos.