Skip to Content

Orientación

"A FORMACIÓN PROFESIONAL"

Ven, 28/05/2021 - 17:42 — carina

Hoxe o departamento de Orientación inicia o segundo bloque de contidos incluído no Programa de Toma de decisións destinado ao noso alumnado do 4º curso de Educación Secundaria Obrigatoria.

O alumnado coñecerá neste bloque todo o referido á Formación Profesional :  as súas caraterísticas, a  súa organización, os requisitos de acceso e outros aspectos de interese como os prazos de solicitude e de  admisión e a oferta de ciclos formativos para o curso 2021/2022.

 

Agradecemos novamente o labor da xefa do departamento de Orientación, María José Seco López pola ponencia de hoxe, polas distintas iniciativas e constante implicación.


Ti© Emprendes

Xov, 20/05/2021 - 20:08 — carina

TI© EMPRENDES é un proxecto cofinanciado polo Fondo Social Europeo e a Deputación de Pontevedra que pretende mellorar a empregabilidade, tanto por conta propia como allea, da mocidade que habite ou vaia habitar nalgún dos concellos rurais da provincia. O seu obxectivo é formar 390 persoas mozas en 26 accións formativas específicas de emprendemento, co fin de vinculalas co seu entorno e evitar o despoboamento do rural.

DIRIXIDO A:

Mozas e mozos entre de 16 a 30 anos.

Inscritas/os no Sistema Nacional de Garantía Xuvenil Desempregadas/os.

Non integradas/os no sistema de educación ou formación.

Residentes nos concellos rurais (con cor no mapa) nos que se inclúe o noso Concello de Cerdedo-Cotobade. 
QUE OFRECE?

Formación en materias específicas de cada zona.

Titorías personalizadas para a procura de emprego.

Asesoramento para a creación da túa propia empresa.

COMO PODES PARTICIPAR?

Poderás inscribirte en calquera das accións formativas, xa sexan no concello no que estás empadroada/o ou nas de calquer outro municipio participante.

Para máis información,  prema aquí. 

Programa de Saúde Sexual da Cruz Vermella para os cursos de 3ºESO

Lun, 10/05/2021 - 18:27 — carina

 

Debido ao interese mostrado polo alumnado de 3º ESO, estamos desenvolvendo en colaboración coa Cruz Vermella- Xuventude unhas actividades formativas a través da aplicación Microsoft Teams. O programa de Saúde sexual aproxima ao alumnado a conceptos básicos sobre sexualidade; orientacións sexuais; anatomía e ciclo menstrual;infeccións de transmisión sexual e métodos anticonceptivos. Agradecemos a dispoñibilidade de Cruz Vermella e das titoras de 3ºESO. 

2 de maio, día contra o acoso escolar.

Dom, 02/05/2021 - 11:05 — Anónimo

Dende o ano 2013 celébrase o 2 de maio o Día Internacional contra o Acoso Escolar.

PROGRAMA DE HABILIDADES SOCIAIS

Ven, 16/04/2021 - 22:00 — Anónimo

 

Iniciamos un Programa de Habilidades Sociais para o alumnado do 2º curso de ESO A. O Educador Social do Concello de Cotobade Xosé Lois Díaz Fernández desenvolverá durante catro sesións distintos tipos de habilidades sociais que o alumnado tentará pór en práctica. Agradecemos a gran colaboración de Lois.

Información sobre a carreira militar.

Ven, 16/04/2021 - 21:34 — Anónimo

Debido ao interese mostrado por parte do alumnado, hoxe día 16 de abril, o alumnado de 4º ESO recibiu información sobre a carreira militar. O Capitán de Fragata Don César Barros Fraga e o Comandante de Infantaría  Don Óscar Iván Iglesias Sánchez da Subdelegación de Defensa de Pontevedra fixeron unha presentación na  que  explicaron en que consiste ser militar, os corpos e escalas nas FAS e as distintas formas de acceder a esta carreira. 

Libro recomendado sobre o Autismo

Ven, 02/04/2021 - 10:11 — Anónimo

Na biblioteca do noso centro podedes atopar este libro que vos recomendo.

 

Autores:

Día Mundial do Autismo: 2 de abril

Ven, 02/04/2021 - 09:31 — Anónimo

A campaña Podo aprender. Podo traballar, impulsada por Autismo España, da que a Federación Autismo Galicia forma parte, ten como obxectivo poñer o foco na educación e o emprego, dous ámbitos fundamentais para mellorar a calidade de vida das persoas con TEA e conseguir a súa participación efectiva na sociedade.

Impúlsase, ademais, unha campaña en redes sociais para que cada persoa amose nunha foto, vídeo ou gif unha ferramenta ou utensilio relacionado con algunha das súas habilidades ou capacidades, etiquetándoas cos cancelos #DiaMundialAutismo #PuedoAprenderPuedoTrabajar.

A mirada do corazón do IES de Cotobade. #podo aprender#podo traballar

Xov, 01/04/2021 - 14:14 — carina

Con motivo da celebración do Día Mundial de Concienciación sobre o Autismo, o día 2 de abril, o IES de Cotobade realizou unha actividade para visibilizar, sensibilizar e concienciar sobre a importancia de aceptar a diversidade. Persoal non docente, profesorado e alumnado participaron cun obxectivo claro, cada peza correspóndese coas súas miradas e cada mirada é única, diferente e especial igual que todas as persoas da nosa comunidade, incluídas aquelas que están dentro do espectro do autismo. Cada peza encaixa entre si formando un corazón, un único corazón que latexa ao unísono pola inclusión.

Non poden sentirse máis orgullosos e orgullosas de vivir a diversidade como un elemento enriquecedor para a nosa sociedade.

 

Texto e idea orixinal:

Sara Pilar López Villaverde

Pedagoga terapéutica do IES de Cotobade.

 

Departamento de Orientación.

 

Lectura recomendada

Dom, 28/03/2021 - 13:15 — Anónimo
Na nosa biblioteca podedes atopar este libro que vos recomendo.
Autor: Vázquez Álvarez, David Daniel
Colección: O Globo
Distribuir contido


by Dr. Radut