I.E.S. DE COTOBADE |

PARTICIPACIÓN NOS CONTRATOS-PROGRAMA NO CURSO 2019-20

Lun, 28/10/2019 - 18:03 — carina

O noso Centro foi seleccionado para participar no programa REFÓRZA-T, evolución do programa PROA no que participamos exitosamente o curso pasado, co que se pretende proporcionar ao alumnado beneficiario alicerces para afrontarse ás dificultades relacionadas coa aprendizaxe e/ou coa sua inclusión escolar ou social, ao tempo que favorece o desenvolvemento dos elementos transversais do currículo, ampliando o apoio a todas as áreas e materias curriculares impartidas no centro.

Para acceder á Resolución e listaxe de centros seleccionados, prema aquí

Leer máis

Galaicos. Un pobo entre dous mundos.

Lun, 28/10/2019 - 14:10 — carina

O pasado venres día 25, acompañado polos profesores Xosé Carlos Morgade e MªLuisa Cousillas, un grupo de 33 estudantes de 1º da ESO do noso instituto achegáronse ao Museo de Pontevedra para visitar a exposición "Galaicos" e as salas de Prehistoria do museo. A exposición temporal "Galaicos", que leva por subtítulo "Un pobo entre dous mundos", recalará na nosa vila ata o 2 de febreiro para conmemorar o 125.º aniversario da Sociedade Arqueolóxica de Pontevedra.

A exposición amosa aos poboadores destas terras durante un período de máis de mil anos, o comprendido entre o crepúsculo da Idade de Bronce (1500-800 a. n. e.) e o século VI. Máis de 65 pezas e unhas ilustracións moi didácticas explican as etapas culturais sucesivas (castrexa, romana, sueva...) que conforman a nosa historia e a nosa identidade.

Por formar parte da materia de Xeografía e Historia en 1º da ESO, a visita foi organizada por este departamento.

Leer máis

24 de Outubro. Conmemorando o día das Bibliotecas Escolares.

Xov, 24/10/2019 - 17:53 — carina

Herdanza de Mª Victoria Carrera coordinadora desta Biblioteca e de Rosa García Otero, creadora, pioneira e dinamizadora ata este curso da Biblioteca e Club de Lectura que tanto botamos en falta.

Grazas a todo ó alumnado e profesorado colaborador que fixo e fai deste espazo un mundo de reflexións, de encontros, soñador e integrador. Tanto os que están, como os que xa non, seguiremos unidos pola lectura.

Leer máis

I.E.S de Cotobade e Asociación Juan XXIII loitando contra o cancro de mama

Ven, 18/10/2019 - 00:00 — carina

Concienciación contra os incendios. Visita da base aérea do Campiño

Mér, 16/10/2019 - 19:02 — carina

No día de onte alumnado de 3º e 4º ESO do I.E.S de Cotobade tiveron a oportunidade de visitar a Base Aérea Contra Incendios do Campiño. Acompañados pola profesora Laura Pérez de Bioloxía e Carlos Morgade de xeografía e historia, viron de primeira man o traballo dos bombeiros forestais. Eles explicáronlles o seu labor e a importancia de que todos nós, coidemos do medio ambiente para evitar que se produzan incendios e poder gozar do noso patrimonio e identidade que conforman as paisaxes naturais e autóctonas da nosa terra. Os estudantes coñeceron o labor dos equipos de brigadistas mediante unha proxección audiovisual sobre a extinción de incendios e manexando as ferramentas manuais de extinción. Ata tiveron a oportunidade de probar a forza dunha mangueira coa axuda dos bombeiros. O persoal da base mostrou o helicóptero que se atopa nas instalacións e puideron interaccionar cos pilotos e técnicos de mantemento.

Parabéns a todos e todas os e as que participaron e promoveron esta actividade!