O día 23 de maio, os alumnos/as de bacharelato tiveron a oportunidade de aprender un pouco sobre primeiros auxilios da man de técnic@s da Cruz Vermella do Carballiño. Foi unha sesión moi divertida e práctica, onde puidemos aprender os pasos a seguir ante un accidente: a cadea de supervivencia. Ao ser unha charla eminentemente práctica, quedounos gravado na memoria o protocolo. É un contido moi importante que poderíanos ser moi útil, tanto que seríamos quen de salvar vidas. Case nada! 

No noso IES temos a sorte de contar co profesor de inglés Carlos Seco, que non só é un bo xogador de fútbol gaélico, se non que foi un dos pioneiros deste deporte en Galicia, alá polo ano 2010, cando con outros mozos e mozas da Coruña fundou o primeiro club de fútbol gaélico galego, os Fillos de Breogán. Carlos foi adestrador do seu club, foi o primeiro seleccionador galego... Entón, como non aproveitar os seus coñecementos para darlles unha clase diferente aos nosos estudantes de 3º e 4º da ESO. Un deporte ata agora descoñecido por eles, pero que sen dúbida suscitou unha grande curiosidade e que lles encantou a todos. As clases foron moi didácticas e divertidas, e os nosos rapaces e rapazas quedaron moi satisfeitos coa dinámica deste novo deporte. De feito todos e todas quedaron con ganas de repetir. Moitas grazas ao departamento de Educación Física por coordinar a actividade, que agardamos facer extensiva a outros grupos no futuro. Agora...a practicar o fútbol gaélico!

Álbum: CURSO 2018-2019 -> Fútbol Gaélico

Marabillosa xornada de sábado 4 de Maio, na área termal de Barbantes. Tivemos de novo a sorte de que dez rapaces do noso IES quedaran clasificados para un campionato GALEGO! Esta vez tiveron que orientarse nun mapa de bosque, algo máis complicado que nunha vila, pero moi ben feito por todos eles, que competindo contra rapaces federados neste deporte de orientación, fixeron moi bo papel e, sobre todo pasárono estupendamente. Desfrutando ao final tamén do baño nas termas.

Estupenda experiencia! Un fermoso deporte na natureza.