Con motivo da apertura dos prazos de reserva de praza para colexios adscritos, así como da próxima apertura en marzo dos prazos de admisión de novo alumnado non adscrito, animamos a todas as persoas interesadas a que consulten a OFERTA FORMATIVA do centro así como o BLOG DE ORIENTACIÓN. Nestas ligazóns atópanse os programas nos que participa o centro, horarios, instalacións, visitas guiadas a través de presentacións e, por suposto, as materias que configuran a oferta en cada nivel, así como as seccións bilingües e outras medidas de atención á diversidade. Avisaremos por este mesmo medio da apertura dos prazos de admisión e da documentación necesaria.
Rógase as familias que aínda non se rexistraron na plataforma AbalarMóbil e querina recibir as notas e os avisos directamente no teléfono a través dela, que a instalen nos seus dispositivos. A descarga, a instalación e o rexistro son moi doados: unha vez instalada a aplicación, debe introducirse o número de teléfono que se deu no centro e a aplicación de forma automática vincúlase co fillo/a que teña matriculado/a no centro.
En calquera caso, deixamos aquí a guía de instalación da aplicación e un video por se tivesen algunha dúbida e, coma sempre, estamos á súa disposición por correo electrónico ou teléfono, para resolver calquera cuestión ao respecto.