Eventos

Xa está instalado no instituto o Punto Laranxa contra o acoso escolar nos centros educativos galegos cunha imaxe común e uniforme para que sexa perfectamente identificads e accesible.

Este punto laranxa ten un formato físico na propia instalación e outro virtual a través da web de cada centro educativo. A nosa é http://www.edu.xunta.gal/centros/iescaboortegal/node/1780

O seu funcionamento é como o dunha caixa de correos a través da cal o alumnado pode comunicar ou denunciar, desde unha posición totalmente anónima, posibles situacións de acoso ou ciberacoso que sufran ou perciban en terceiros.

Para xestionar esta caixa de correos, en cada centro educativo constitúese un equipo de actuación contra o acoso escolar integrado, entre outros, polo coordinador de benestar emocional e convivencia e a persoa orientadora do centro. Deste xeito, o alumnado conta cun equipo de referencia ao que dirixirse no caso de que o precise.

Ademais, no novo Protocolo educativo para a prevención, a detección e o tratamento do acoso e do ciberacoso escolar recentemente actualizado, establécese un procedemento de intervención ante os posibles casos que se coñezan por esta vía.