blogue deadmin
Entroido 2022
Enviado por admin o Mér, 02/03/2022 - 00:07O venres 25 de febreiro celebramos o Entroido. Logo dunha primeira hora de clase, houbo tempo para disfrazarse e participar no desfile escolar organizado polo Concello de Gondomar. Xunto cos compañeiros e compañeiras do IES Terra de Turonio e do CEIP Chano Piñeiro, percorremos as rúas da vila coas nosas coreografías. Xa de volta no instituto, cantamos, bailamos e celebramos o noso concurso de disfraces, con premios para as mellores propostas.
Día de Rosalía
Enviado por admin o Mér, 23/02/2022 - 11:18Hoxe, 23 de abril, sumámonos á celebración do Día de Rosalía cun obradoiro e a lectura de poemas nas aulas e cun recanto no que compartimos o manifesto da AELG que escribiu Beatriz Maceda Abeleira e convidamos a ler a obra de Rosalía e a sementar pensamentos. #sementandopensamentos #_rdc_2022
Nova sesión do Club da Igualdade
Enviado por admin o Xov, 17/02/2022 - 23:04O vindeiro luns 21 de febreiro terá lugar unha nova sesión do Club da Igualdade. Desta volta vannos acompañar Priscila Retamozo Ramos, coordinadora do Comando Igualdade, e Blanca Fernández Ochoa, ex alumna do IES Alexandre Bóveda.
O Comando Igualdade xu
Día Internacional da Muller e a Nena na Ciencia
Enviado por admin o Ven, 11/02/2022 - 21:05Ademais dotras celebracións nas materias de ciencias, as profesoras Josefa Rodríguez (Bioloxía e Xeoloxía) e Olalla Varela (Física e Química) estiveron traballando co seu alumnado de 2º de ESO e 1º de bacharelato na preparación duns paneis sobre mulleres científicas e inventoras.
Concurso Aula Acolledora
Enviado por admin o Dom, 06/02/2022 - 14:45Desde a vicedirección e as titorías, acabamos de poñer en marcha o concurso "Aula acolledora" para premiar aqueles cursos de 1º e 2º ESO que destaquen polo coidado da súa aula no seu sentido máis amplo: orde, limpeza, material, espazo-aula, pero tamén respecto, axuda, escoita, traballo e convivencia. Para iso, un xurado formado por once persoas (profesorado, alumnado e persoal de limpeza) valorará quincenalmente a cada grupo.
Calendario de actividades de Espazo Lectura para o mes de febreiro
Enviado por admin o Xov, 03/02/2022 - 23:21Este é o calendario de actividades de Espazo Lectura para o mes de febreiro de 2022.
O instituto é socio protector da asociación do Val Miñor para o fomento e animación da lectura en lingua galega.
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- …
- seguinte ›
- última »