Blogues

Para que o noso alumnado máis pequeno, da materia de Mobilidade Escolar Sostible e Segura, poida gozar do patrimonio cultural, artístico e natural do noso Concello e da nosa contorna, o alumnado de 2º de Bacharelato da materia de TIC deseñou uns traballos de Scape Room, que estamos seguros que lles van gustar. Estades todos invitados a compartilos!

El Tesoro de Artabria.

Nuestra ciudad, Narón.

Resuelve el homicidio.

Diario de un Percebeiro.

ENTROIDO 2022: NON Á GUERRA!

Un ano máis o espíritu carnavalesco apoderouse hoxe do noso IES As Telleiras.

No departamento de inglés houbo tempo coma sempre para disfrutar co noso alumnado e os nosos compañeiros dun rato de ledicia e confraternización.

Nesta data festiva non olvidamos á poboación ucraína que está a padecer o ataque do exército ruso. NON Ä GUERRA!

                                           Membros do Dpto. de inglés celebrando o Entroido

Ata o vindeiro ano!

O campo de concentración e exterminio nazi de Auschwitz-Birkenau foi liberado polas tropas soviéticas precisamente  o 27 de xaneiro de 1945.
Entre 1933 e 1945, durante o réxime nazi en Alemania, o mundo atravesou un período de destrución e persecución sen precedentes. A culminación deste período foi a II Guerra Mundial que se desenvolveu entre 1939 e 1945 e que se transformou no maior conflito que a  humanidade xamais experimentara.
Non obstante, máis aló das atrocidades da guerra, o Holocausto levado a cabo polo goberno nazi converteuse nun dos xenocidios máis terribles da historia da Humanidade. Detencións  ilegais, deportacións, torturas, asasinatos en masa e outras moitas barbaridades  foron as  súas consecuencias.
As SS foron a principal organización responsable do asasinato xenocida e da limpeza étnica que se produciu  durante a duración do réxime de Adolf Hitler e da Segunda Guerra Mundial, período no que se calcula que morreron uns  6 millóns  de persoas de diversas minorías étnicas europeas, principalmente xudeus, pero onde tamén pereceron homosexuais, persoas LGTBI, xitanos, presos políticos, republicanos, disidentes, polacos, eslavos, discapacitados e persoas de color. De feito Auschwitz-Birkenau foi  o campo de prisioneiros, exterminio e traballo escravo máis grande da Alemania nazi onde foron liberados os 2.819 superviventes que alí se atopaban no momento da súa liberación. Miles de persoas no sobreviviron ás atrocidades cometidas neste campo de concentración e exterminio, o  máis salvaxe do nazismo.

É por esta razón que cada ano a UNESCO rende tributo á memoria das vítimas do Holocausto e ratifica o seu compromiso de loitar contra o antisemitismo, o  racismo e toda outra forma de intolerancia que poida conducir a actos violentos contra determinados grupos humanos.
A educación pode desempeñar un papel clave na prevención do xenocidio, proporcionando un marco para abordar as situacións  de violencia no pasado, ao mesmo tempo que se promoven os coñecementos, as capacidades, os valores e as actitudes que fomentan a prevención da violencia con respecto a determinados grupos de persoas nas sociedades actuais.
O ensino sobre cuestións  relativas ao Holocausto e a prevención do xenocidio forman parte dos esforzos que leva a cabo a Organización para promover a Educación para a Cidadanía Mundial, que é unha de las prioridades da Axenda 2030 da Educación. Neste contexto, a UNESCO apoia aos interlocutores do sector educativo nos seus esforzos para axudar ao alumnado a adquirir unha mirada crítica, a converterse en cidadáns mundiais responsables e activos capaces de valorar a dignidade humana e o respecto por  todas as persoas, a rexeitar  o antisemitismo, o racismo e outras formas de prexuízo que poden levar á violencia e ao  xenocidio.

A campaña  “We remember”, “Lembramos”, é unha iniciativa mundial do Congreso Mundial Xudeu e  a UNESCO orientada a concienciar sobre a importancia que para o presente ten a cultura da memoria; desde o 2017 invitan a grupos de persoas do mundo enteiro a que participen na campaña e suban a Internet unha foto co  hashtag #WeRemember  co fin de expresar o seu compromiso coa memoria do Holocausto.
O xoves 27 de xaneiro, as doce do mediodía,  o IES As Telleiras quixo unirse a esta iniciativa e levar a cabo unha actividade de recordo e conmemoración de todas vítimas do xenocidio cun pequeno acto de acendido de sete candeas brancas no vestíbulo do edificio de Bacharelato con alumnado deste nivel para iluminar o recordo e manter viva a memoria,  unha para cada colectivo que foi vítima del nazismo;  a última candea foi prendida  en honra dos “Xustos entre as Nacións”, aquelas valentes persoas que puxeron en risco a súa vida para salvar aos xudeus e xudías perseguidos.

O acto acompañouse das palabras do profesor do Departamento de Xeografía e Historia do centro, don Javier González, que imparte a materia de Historia do Mundo Contemporáneo quen  fixo un magnífico discurso no que recordou os feitos acaecidos nesta época e que foi unha chamada de atención aos mozos e mozas para que non dean a esquecemento o pasado.
A continuación sete  alumnos e alumnas, representantes dos catro grupos de 1º Bacharelato, levaron a cabo o acendido das sete candeas, mentres se escoitaba a música do tema principal da película A lista de Schindler, de John Williams.
Damos as grazas ao noso orador pola súa xenerosa implicación e a todo o alumnado que participou na actividade pola súa colaboración.

AS HERMANAS MIRABAL, “ AS BOLBORETAS”.

O 25 de novembro de 1960, os corpos das tres irmás Mirabal foron atopados no fondo dun cantil na costa da República Dominicana.

Aquel acontecemento, que foi vendido á prensa como un tráxico accidente por Trujillo, o ditador dominicano que deu a orde de acabar con elas, contribuíu a espertar a conciencia entre a poboación, que culminou, seis meses despois, co asasinato do tirano.

En honra a estas tres valentes irmás  asasinadas a golpes e que se converteran en auténticas heroínas da loita clandestina antitrujillista, conmemórase cada ano nesta data o Día Internacional para a eliminación da violencia de Xénero, aprobado por la Asemblea Xeral da ONU en decembro de 1999.

A xuventude constitúe un grupo especialmente vulnerable á violencia de xénero, e é por iso  que desde os centros educativos cómpre que sigamos traballando para que mozas e mozos identifiquen y rexeiten condutas sexistas que ás  veces se toleran ou xustifican, e que a largo, ou incluso a medio prazo, poden desembocar en relacións violentas.

Todas as formas de violencia aliméntanse dos mesmos problemas de valores, dos mesmos estereotipos caducos e dos mesmos mitos enganosos que desgraciadamente a poboación máis nova parece estar reproducindo de maneira preocupante.

O primeiro paso para previr a violencia de xénero pasa por evitar os pasos que se inician baixo as referencias dunha cultura machista, e polo tanto, para erradicar calquera forma de violencia, a solución reside na educación.

O respecto, a liberdade e a igualdade son tres dos piares básicos nos que centrar esa educación.

A xuventude de hoxe, que será a protagonista da sociedade do mañá, debe comprender, coñecer e identificar a violencia de xénero, recoñecendo as primeiras sinais do maltrato e dos maltratadores; deste xeito converterase en protagonista do logro dunha sociedade libre de violencia contra as mulleres: apoiando a quen a sofre e rexeitando actitudes e estereotipos que a promoven ou a xustifican, desde el convencemento de que a igualdade real entre mulleres e homes e o respecto pola dignidade dos  demais son imprescindibles e útiles para a súa convivencia pacífica na sociedade.

O IES As Telleiras uniuse aos actos  para conmemorar esta data tan significativa e para sensibilizar a toda a comunidade educativa; a Bibliotelleiras e os vestíbulos dos dous edificios do  centro convertéronse  en espazos de acción e reflexión sobre   la erradicación de calquera tipo de discriminación e de violencia.

Grandes carteis de información sobre a orixe desta data, paneis onde o alumnado deixou as súas mensaxes de reivindicación  e reparto de lazos morados durante os tempos de lecer encheron o centro o xoves 25 de novembro, todo isto presidido pola nosa gran “Árbore das bolboretas”, un proxecto de debuxos e deseños impulsada polo profesorado de Plástica entre o alumnado de 1º e 3º de ESO  e coordinada desde a Vicedirección e a  Biblioteca para dar visibilidade ao alcume das mulleres, as irmás Mirabal, ás que a data de cada 25 de novembro honra pola súa valentía e firme  determinación na defensa das liberdades.

Tras a recollida das aportacións extraordinarias que fixo o alumnado, fixemos a entrega dun pequeno agasallo doce a todos e todas as participantes e o luns 29 realizouse a e selección  entre os traballos presentados para facerlles entrega de tres premios ás tres mellores “bolboretas” de mans da Directora, Vicedirectora e Coordinadora de Biblioteca.

Desde a Bibliotelleiras queremos dar as grazas a todas e todos pola súa xenerosa colaboración na celebración desta data e esperamos que o noso gran de area sexa no futuro unha semente que agrome na sociedade.

MERRY CHRISTMAS!

Un ano máis o departamento de inglés quere transmitirlle ao seu alumnado e aos demais membros da comunidade educativa do IES As Telleiras os mellores desexos para este Nadal e para o vindeiro ano 2022.

Agardamos que cada folla que vaia caendo do noso calendario sexa un día menos cara  a volta a tan desexada e lembrada normalidade.

Aproveitamos esta felicitación para amosarvos o estupendo traballo feito na decoración de portas polo alumnado da ESO.

Que pasedes todos unhas marabillosas e merecidas vacacións!

Vémonos á volta!