Skip to Content

Blogues

Bo Nadal!

Ven, 20/12/2019 - 06:20 — Anónimo

Dende o IES As Telleiras desexámoslles

bo Nadal e Feliz ano 2020!

Entrega de notas da 1ª avaliación - Adultos

Mar, 17/12/2019 - 07:50 — Anónimo

ENTREGA DOS BOLETÍNS DE CUALIFICACIÓNS

ENSINANZAS DE ADULTOS

 

1ª AVALIACIÓN (CURSO 2019-2020)

 

 

  • 1º e 2º Bacharelato (adultos): xoves 19 de decembro, a partires das 18.00 h en Xefatura de Estudos.

 

  • FP Básica: xoves 19 de decembro, ás 19.10 h na aula do curso (E2B).

Días festivos de outubro - novembro (curso 2019-2020)

Mar, 29/10/2019 - 07:32 — Anónimo

Non haberá clase os seguintes días:

- xoves 31 de outubro, por ser o día do Ensino;

- venres 1 de novembro, festividade de Todos os Santos; e

- luns 4 de novembro, festivo de libre disposición elixido polo centro.

Alumnado admitido no bacharelato de adultos 2019-20

Mar, 17/09/2019 - 10:33 — Anónimo

Alumnado admitido

Bacharelato de adultos (2019-20)

 

Todo o alumnado que presentou a súa solicitude de matrícula para o curso 2019 - 2020 en 1º e 2º do Bacharelato de Adultos no IES As Telleiras foi admitido.

O inicio do curso terá lugar o xoves 26 de setembro ás 17:30 h, coa entrega de horarios e presentación do curso.

A Dirección do centro

BIBLIOTELLEIRAS. OUTUBRO 2024. ENTREGA PREMIOS RELATOS DE TERROR.

Mar, 12/11/2024 - 13:24 — biblioteca

                                  

O pasado mércores 31 de outubro tivo lugar a entrega do premio dos relatos de terror no IES As Telleiras. O xurado, composto por profesorado do centro de distintas materias, concedeu nomeou gañadora a Julia C.L. de 3º da ESO pola súa narración titulada As crónicas do descoñecido. Fixo a entrega do galardón o profesor de Lingua e Literatura Galega, Miguel Anxo Rodríguez.

Desde a Bibliotelleiras dámoslle a nosa noraboa a Julia, que xa goza do seu premio.

 

BIBLIOTELLEIRAS. OUTUBRO 2024. RECOMENDACIÓNS LECTORAS DE SAMAÍN.

Mar, 12/11/2024 - 13:02 — biblioteca

Durante este Samaín houbo na nosa Bibliotelleiras unha exposición con recomendacións lectoras para os días de lecer dos que gozamos nesta longa fin de semana. Comprende unha selección de relatos terroríficos moi en consonancia con estas datas, tanto en galego como en castelán, inglés e francés. Algúns dos libros propostos foron:

 

  • SHELLEY, Mary: Frankenstein o el moderno Prometeo.
  • COSTAS, Ledicia: Escarlatina a cociñeira defunta.
  • BOUTÉGÈGE, Reginé: La Momie du Louvre.
  • HUTCHINSON, Andrea M: A Message from a Ghost.

A exposición estivo acompañada cunha decoración moi acorde coa temática das lecturas propostas.

BIBLIOTELLEIRAS. OUTUBRO 2024. TELLEIRAS RADIO.

Xov, 07/11/2024 - 03:55 — biblioteca

 

 

 

 

Nesta páxina podes consultar toda a información relativa ás nosas actividades de Telleiras Radio. 

Telleiras Radio en IVOX  
Telleiras Radio en Instagram  
Telleiras Radio en Youtube  

Elixe a que prefiras, ou ...podes elixilas todas!

Como exemplo do noso traballo deixámosvos un dos moitos relatos de suspense e terror realizados por diferentes membros da comunidade educativa do IES As Telleiras co gallo do Samaín.

Esperamos que vos gusten!

BIBLIOTELLEIRAS. OUTUBRO 2024. CHUS PATO, PREMIO NACIONAL POESÍA 2024.

Lun, 28/10/2024 - 06:58 — biblioteca

O pasado mes de setembro Chus Pato foi galardoada co Premio Nacional de Poesía 2024, pola súa obra Sonora. Desde a BiblioTelleiras fixémoslle unha homenaxe para celebrar o seu éxito e recoñecemento a nivel nacional. As nosas compañeiras do grupo de Biblioteca, Eva e Noelia, montaron unha exposición co libro premiado, poemas da autora con traduccións a outros idiomas, artigos de prensa sobre o premio e fotografías, da que toda a comunidade educativa pode gozar na nosa biblioteca.

BIBLIOTELLEIRAS. SETEMBRO 2024. VISITA TANQUE DE TORMENTAS.

Mér, 23/10/2024 - 07:49 — biblioteca

Dentro da colaboración que existe entre a Bibliotelleiras e o Equipo de Educación Viaria do Concello de Narón, o pasado 20 de setembro o noso alumnado de 3º da ESO, gozou dun paseo matutino (no que recordaron e puxeron en práctica o seu dominio das normas de circulación para peóns) ata o Tanque de Tormentas de Freixeiro. Durante a xornada puideron ver para que serve un tanque de tormentas, a importancia de botar os refugallos nos lugares axeitados para iso e, como non facelo pode provocar atascos e destrozos nas tuberías do sistema de augas residuais da marxe dereita da nosa ría. Tal é o caso das toalliñas hixiénicas, os aceites e outros residuos sólidos que non deberían botarse polo WC ou os vertedoiros.

Podedes ver na seguinte entrevista da Telleiras Radio as súas impresións sobre a visita.

 

BIBLIOTELLEIRAS. OUTUBRO 2024. CONCURSO RELATOS TERROR

Lun, 07/10/2024 - 05:56 — biblioteca

                                  

Este curso recuperamos de novo polo Samaín, en colaboración coa Vicedirección e o Equipo de Dinamización da Lingua Galega, o noso tradicional Concurso de Relatos de Terror. As bases para poder participal son as seguintes:

BASES:

1. PARTICIPANTES: Todo o alumnado do centro.

2. TEMÁTICA: Terror

3. FORMATO:

- Deberán estar escritos a ordenador.

- Extensión máxima: 1 folio polas dúas caras (Times New Roman 12, entreliñado 1.5)

- Os traballos serán remitidos ao EDLG dentro dun sobre pechado, no que se indicará un pseudónimo e o curso do autor/ autora. Dentro do sobre incluirase un sobre pequeno pechado que conteña os datos persoais do autor ou autora (nome e apelidos, curso, grupo)

4. LINGUA: Deben estar escritos en galego.

5. VALORARASE: Creatividade e orixinalidade.

6. DATA

LÍMITE E LUGAR DE ENTREGA: 22 de outubro. En conserxería.

7. XURADO: Estará formado por profesorado do centro. O nome da persoa gañadora darase a coñecer o mércores 30 de outubro durante a celebración do Samaín.

8. PREMIO: Outorgarase un premio ao mellor relato.

 Animádevos a participar! Gravaremos os vosos relatos en Telleirasradio... Así que preparade a voz máis terrorifica que teñades para acompañalos.

 Non podemos olvidarnos tamén do Concurso de cabazas e unha nova incorporación ás actividades de Samaín o Concurso de Portas de Terroríficas. Na seguinte imaxe tedes un resumo dos carteis informativos:

Distribuir contido


by Dr. Radut