O luns 21 de decembro de 2020 fixemos a entrega de premios do concurso “ATRÉVETE A TER UNHA IDEA”, sendo os premiados Helena Ben Vázquez e Xan Rodríguez Navarrete, ambos da materia de Educación Financeira.
Parabéns a todos os participantes, e en especial aos premiados, polo esforzo realizado.
O programa ATRÉVETE, organizado pola Consellería de Cultura, Educación e Universidade, tiña prevista a súa clausura no mes de xuño, de forma previa ao fin do curso escolar 2019-2020. Posto que, ao longo da súa realización, se viu afectado pola aplicación de medidas fronte á COVID-19 que, polas súas características imprevisibles e inesperadas, imposibilitaron o desenvolvemento normal do programa e modificaron as circunstancias iniciais establecidas neste, decidiuse suspender o acto de clausura e entrega de premios por parte do Conselleiro de Cultura, Educación e Universidade Profesional en Santiago de Compostela.
A devandita clausura do programa ATRÉVETE e a entrega de premios do concurso ATRÉVETE A TER UNHA IDEA, pospúxose ata o primeiro trimestre do vindeiro curso 2020/2021 de xeito que, ao non poderen facer un acto multitudinario coas autoridades, delegaron ao centro dita entrega.
Álbum: Curso 2020/21 -> Atrévete 2020 - Economía
