Comando Igualdade

O Comando Igualdade de Vigo é unha iniciativa dun grupo de alumnado do Instituto Alexandre Bóveda que ten por obxectivo sensibilizar a mocidade ao redor da igualdade real entre mulleres e homes. Este proxecto partiu do proxecto Bata no ano 2009, acción pedagóxica que obtivo o premio Irene do Ministerio de Educación e Ciencia, no que se resaltaba o traballo invisible que realizan as mulleres dentro do que se coñece como a ética do coidado.

Este grupo de estudantes do Comando Igualdade acoden ás outras aulas en grupo. Nas intervencións desenvolven competencias de comunicación verbal e non verbal que redunda dunha forma moi positiva na súa formación académica. O obxectivo final é transmitir os seus valores de igualdade, equidade, empatía e responsabilidade para procurar un mundo máis xusto e máis humano.

As intervencións do comando realízanse no propio centro, en todas as aulas que as tutorías demándano en horario lectivo e coordinado polo profesorado implicado; e tamén noutros centros dos arredores que reclaman a presenza e a actuación do Comando Igualdade.

O alumnado implicado recibe formación permanente en Igualdade a cargo do profesorado coordinador contando coa colaboración doutros departamentos como Filosofía e da Biblioteca. Este compromiso que demostra o comando cos dereitos humanos convértese nun selo de identidade do instituto Alexandre Bóveda.