Biblioteca escolar

Viaxamos ata Pontevedra para visitar a exposición Vexo Vexo de Afundación, no seu Café Cultural.

Pasámolo pipa vendo e curando as súas obras de arte, creando e dando vida a bechos no obradoiro STEAM e por suposto, merendando e xogango despois na Alameda.

O 30 de xaneiro celebrouse o Día Escolar da Paz e a non violencia. Este ano tivemos unha visita moi especial, un paiaso de Galiclown viu a visitarnos. GALICLOWN é unha asociación que se dedica a alegrar  un pouco as estancias dos nenos e nenas nos hospitales galegos. Podedes visitar a súa páxina web aquí https://galiclown.org/es/

Para axudalos pedimos a colaboración de todas as familias, que aportaron con moito cariño e non menos esforzo as súas doazóns. Grazas a vós conseguimos recaudar para os paiasos de hospital unha moi xenerosa cantidade !!!

Mirade que ben o pasamos!

Hoxe, Día Internacional pola eliminación da violencia contra a muller, queremos compartir con toda a comunidade educativa un vídeo do noso alumnado xogando en igualdade e "apuntándose ao bo trato".

Este mes, a  nosa Bibioteca está de celebración doble xa que o 17 de outubro celebramos o día das ESCRITORAS e o 24 de outubro o día das BIBLIOTECAS.

Temos a gran sorte de contar con numerosos exemplares na nosa biblioteca, e cunha amplia coleción de fondos escritos exclusivamente por escritoras, así que decidimos celebrar ambos eventos xuntos. Fixemos unha primeira escolla de libros e puxemos unha condición para o préstamo desa semana: todos e todas tiñan que escoller para levar a casa un conto escrito por unha muller. Houbo quen fixo doblete e se decatou de que o seu libro estaba escrito e ilustrado por mulleres. 

Estimadas familias, o vindeiro martes 4 de febreiro estades convidadas a unha charla sobre Coeducación no noso centro.

A encargada de impartila será Aida Lortiz, de Educaflash. Aida explicaranos os beneficios de coeducar aos nosos fillxs e claves para facelo, con consellos e unha proposta de actividades.

A charla será ás 16h na sala de psicomotricidade da escola e terá unha duración aproximada de dúas horas.

Contamos con todos e todas vós!

http://educaflash.com/

https://www.instagram.com/aidalorti.educaflash/

Un ano máis, compartimos a selección de libros en lingua galega elaborada polos Equipos de Dinamización da Lingua Galega do Morrazo para a etapa de Educación Infantil.

Agardamos que vos sexa de utilidade e sacar algunha idea para os regalos de Nadal, que xa está á volta da esquina! :)