Na RESOLUCIÓN do 30 de setembro de 2022, da Dirección Xeral de Ordenación e Innovación Educativa, pola que se autorizan centros educativos para impartir o programa plurilingüe no segundo ciclo da educación infantil (Plurinfantil) para o curso 2022/23 figura a nosa escola.
Plurinfantil fai referencia ás habilidades plurilingües na etapa da Ed. Infantil, é dicir, que un terzo das horas lectivas serán impartidas en inglés.
O noso proxecto plurilingüe contempla un incremento das sesións, en lingua inglesa, con diferentes actividades de expresión oral (speaking), rutinas e vocabulario adaptado a cada grupo de idade.
Nesta etapa a capacidade cognitiva e de adquisición da información está no seu máximo nivel, resultando o proceso máis sinxelo e duradeiro. A inclusión doutro idioma facilitará o gran reto que supón a aprendizaxe dunha segunda lingua en etapas posteriores, de aí a importancia na continuidade.
Por todo isto grazas a este proxectos o noso alumnado ten contacto coa lingua inglesa dende unha idade temperá, ofrecendo a posibilidade de desenvolver a comprensión e expresión en inglés de maneira lúdica e natural.
Ao longo deste curso imos ter a sorte de contar coa presenza da auxiliar de conversa británica Charlotte Kenyon durante 8 horas semanais repartidas entre os mércores e venres, o que suporá un enorme pulo no noso proceso de inmersión lingüística.
