Os Tigres (2018-2021)

PROXECTO DOS EXPERT@S: XOAN APRÉNDENOS A ZURCIR

HOXE XOÁN, QUE É UN EXPERTO EN COSTURA, CHEGOU Á ESCOLA CARGADO DAS COUSAS NECESARIAS PARA ZURCIR CALCETÍNS.

QUE PRECISAMOS?

AGULLA FÍO UNHA PELOTA! E UN CALCETÍN CUN BURACO

E MIRA COMO FAI XOÁN.

PRIMEIRO ENFIAR A AGULLA E PÓRLLE UN NO, QUE SENÓN ESCAPA O FÍO E MENUDO LÍO. LOGO METER A PELOTA NO CALCETÍN ONDE ESTÁ O BURACO E A COSER.....AH!, NON ESQUEZAS POÑER O CALCETÍN POLO REVÉS.

NUN MOMENTIÑO XA TIÑA ZURCIDOS OS DOUS CALCETÍNS E OS BURACOS DESAPARECERAN, SEN MAXIA, USANDO A CABEZA E AS MANS.

XOÁN TEN MOITA DESTREZA TANTO ENFIANDO COMO COSENDO E SABE COSER PRESTANDO MOITA ATENCIÓN AO SEU TRABALLO. PUXO O SEU COÑECEMENTO NA NOSA MAN.

MOITAS GRAZAS

CAMIÑAMOS: IMOS VER A VACA E AS PITAS DOS VECIÑOS

EUGENA, A NOSA VECIÑA, LEVOUNOS VER A SÚA VACA, CRUZAMOS A RÚA, SUBIMOS POLO CAMIÑO ENFRENTE DA ESCOLA, XIRAMOS Á DEREITA E DESPOIS DUN PALLEIRO, HABÍA UN PORTAL, DETRÁS O CAMPO ONDE PACÍA A VACA.

A VACA URRABA PORQUE QUERÍA ALMORZAR, PEDÍA O LAMBISCO QUE LLE TRAÍA MANOLO: PATACA, FARIÑA MILLA E PAN, DESPOIS COMEU A HERBA QUE LLE SERVIU MANOLO TAMÉN, ÍA ESCOLLENDO A SÚA HERBA FAVORITA E DEIXABA A QUE LLE GUSTABA MENOS. QUE LISTA! QUE LARPEIRA!

INDA É UNHA VACA NOVIÑA, UNHA BECERRA, TEN OS CORNOS PEQUENOS E INDA NON LLE SAÍRON AS UBRES.

DESPOIS BAIXAMOS, COMO PARA VOLVER Ó COLE. A CASA DE EUGENIA E MANOLO ESTÁ Ó NOSO CARÓN. ENTRAMOS NO GALIÑERO, HABÍA POLO MENOS 30 GALIÑAS E UN GALO, TAMÉN VIMOS AS CAMAS ONDE POÑEN OS OVOS

.

MOEMOS MILLO NO MUÍÑO ELÉCTRICO E .....MONTAMOS NO TRACTOR

PASAMOLO MOI BEN!!!!!

CAMIÑAMOS: IMOS VER AS TARTARUGAS

LUCA GUIOUNOS ATA A SÚA CASA PARA PODER VER AS SÚAS TARTARUGAS. SUBIMOS, BAIXAMOS, CRUZAMOS CON COIDADO, PASAMOS CASAS, O TORREIRO, A FONTE DA CHOSCA, A PANADERÍA, OUTRO PILÓN, E CHEGAMOS.

CAMIÑAR É DIVERTIDO

ALÍ ESPERABA IRENE, A AVOA DE LUCA QUE NOS ATENDEU MOI BEN, COMA SEMPRE FAI!

ASÍ OBSERVAMOS DIRECTAMENTE AS TARTARUGAS DE AUGA DAS XA QUE NOS EXPLICARA MOITAS COUSAS LUCA.

PERO VIMOS MÁIS ANIMAIS: O GATO, OS PEIXES E NO GALIÑEIRO, O GALO, AS GALIÑAS, OVOS E PITIÑOS.

QUEDAMOS CON IRENE QUE IRÍAMOS OUTRO DÍA CAMIÑAR POLO MONTE QUE HAI ALÍ PEGADO A CASA.

Outubro: Plantamos na horta

Hoxe tocounos plantaar noespazo de horta destinado para nós. Plantamos escarola, espinacas, repolos e porros coa axuda de Emma.

Aprendemos como enxabonar ben as mans

Este xoves 15 de outubro era o "Día do lavado de mans" e os Tigres experimentamos como hai que lavar as mans para que queden ben limpas.

Sustituimos o xabón por pintura, escollemos dúas cores, unha para cada man, botámolo nas mans. De paso imos mesturar e comprobar que cor resultará.

Frotamos e frotamos polas palmas, polo dorso, entre os dedos, os polgares e sen esquecer os pulsos, mentres a profe Verónica e Olivia cantaban a canción en inglés do lavado de mans.

Quedáronos as mans que parecía que levaban luvas de preciosas cores. Logo lavámolas con auga e xabón. Perfectas para merendar e comer as castañas que trouxo Olivia e asamos no forno mentres experimentabamos.

Despois coa profe Laura obervamos no microscopio bacterias e virus.

Luca é un experto de tartarugas

^{O martes 13 comezamos co proxecto dos expertos. Luca que sabe moito de animais falounos das tartarugas de auga. Contounos unha chea de cousas destes animais:}

^{Que comen, a que especie pertencen, como viven, características físicas, como se reproduce, que cambian as escamas da pel e da cuncha ou caparazón,.....}

Mostrounos un libro que editara sobre elas e imaxes das súas tartarugas.

Despois da súa exposición, contestou as nosas dúbidas e as cuestións que se os planteaban, se todas son de auga, se teñen raias, de que cor son, se teñen narizo u orellas,.....

Moi ben Luca, grazas a ti, aprendimos cantidade de cousas realcionadas coas tartarugas.