Skip to Content

Excursións e saídas

Mañá na casa de Manolo - Xuño 2017

19/06/2017 09:00
19/06/2017 14:00

As nenas e nenos de Educación Primaria de Pías pasamos a mañá na casa de Manolo, o noso titor. Visitámola, facemos un obradoiro de comida e xogamos alí

 

Saída ao paseo marítimo de Camposancos - Xuño 2017

16/06/2017 09:00
16/06/2017 14:00

As nenas e nenos de Educación Primaria de Fornelos saímos de excursión ata o paseo marítimo de Camposancos. Alí estivemos a mañá camiñando e desfrutando dun entorno natural privilexiado.

Pasámolo moi ben.

 

Acampada en Pías - Xuño 2017

14/06/2017 17:00
15/06/2017 09:00

As nenas e nenos de Educación Primaria de Pías temos unha acampada xunto coas familias á beira da escola. Actividades, comida compartida, durmir en tendas...

Unha acampada como é debido. Que xeito máis chulo de rematar o curso!!!

Quedamos ás cinco da tarde na escola, deixamos as cousas e marchamos ata o río para bañarnos porque ía unha calor!!! Despois de pasalo ben na auga nos cambiamos e ceamos entre todas e todos un pouco de churrasco: Que rico!!! Logo a durmir nas tendas, durmir e estar de faladeira un bo rato... Algúns que outros andaban algo descolocados por non durmir na casa e inda lles costou acostumarse. Así as cariñas pola mañá!!!

E o día seguinte... a recoller todo e... unha sesión de mangueirazos de auga no patio da escola!!!

Foi xenial!!!

 

Visita á Mata - Xuño 2017

08/06/2017 09:00
08/06/2017 14:00

As nenas e nenos de segundo curso de primaria de todo o CRA visitamos as instalacións do centro educativo da Mata, o colexio ao que imos o curso próximo.

Alí nos recibiron antigas compañeiras e compañeiros do CRA, xogamos no patio, coñecimos o lugar e ata nos presentaron a algúns mestres e mestras.

Estivo moi chulo.

 

Teatro "A nena que quería navegar" - Maio 2017

29/05/2017 09:00
29/05/2017 14:00

As nenas e nenos de primaria do CRA asistimos a unha obra de teatro cantada. Chamábase nena que quería navegar”, do grupo teatral Redrum Teatro no Auditorio do Rosal, xunto ás nenas e nenos doutros colexios da zona.
A obra falounos sobre o acoso que algúns alumnos e alumnas sofren nos centros escolares, aportándonos ideas sobre como saír desta situación.
Tamén desfrutamos moito coas cores vivas e cambiantes, a música dos 80 con letras adaptadas e polo bo facer dos actores e actriz.
Foi xenial!!!

 

Excursión aos museos da Coruña - Maio 2017

23/05/2017 09:00
23/05/2017 18:00

As nenas e nenos de Ed. Primaria do CRA imos de excursión á Coruña. Pasamos todo o día e comemos alí. Imos visitar museos desa cidade coma a Casa das Ciencias, A Domus ou o Aquarium.

Menudo día!!! Espectacular. Chegamos a Coruña despois dun bo rato no bus e entramos a ver unha proxección no planetario da Casa das Ciencias cun vampiro e moitas estrelas...

Despois fixemos un percorrido polas instalacións e experimentos e marchamos ata a Domus. Alí descansamos un pouco e zampamos a comida. Despois xa estabamos listos para visitar a Domus con tantas cousas para aprender, ver, tocar, probar, escoitar...

E inda quedaba o Acuario con tantos peixiños e de máis criaturas mariñas... Ata unha quenlla no Nautilus (que sala máis chula, por certo)!!! Impresionante.

Despois de tanta emoción tocou merendar nun parque cerquiña da Torre de Hércules, tomar un xeado e montar no bus de volta.

Día longo, esgotador e seguidiño, pero pagou a pena co ben que o pasamos.

Xenial!!!

 

Teatro "A Galiña Azul" - Maio 2017

15/05/2017 09:00
15/05/2017 14:00

As nenas e nenos de Ed. Primaria do CRA desfrutamos hoxe no Auditorio do Rosal, xunto con alumnas e alumnos de máis colexios, dunha representación teatral para celebrar o Día das Letras Galegas. Este ano está adicado a Carlos Casares, así que a obra representada foi deste autor: "A Galiña Azul".

Estivo xenial!!!

 

Contacontos con Paco Nogueiras - Abril 2017

03/04/2017 09:00
03/04/2017 14:00

As nenas e nenos do CRA imos ao Polivalente do Rosal para desfrutar dun contacontos con Paco Nogueiras. Imos escoitar varios contos curtos acompañados de música en directo. O alumnado das escolas de Pías, Fornelos e Marzán van á sesión das 10:00. O alumnado das escolas de Couso, Tabagón e Novás, á das 11:00.

Foi unha actividade xenial. Estivemos con Paco Nogueiras, que nos contou tres contos moi chulos sobre árbores, cantamos e rios con él, que trouxo un ukelele e un acordeón.

 

Excursión ao Salón do Libro de Pontevedra - Marzo 2017

29/03/2017 09:00
29/03/2017 19:00

As nenas e nenos de Ed. Primaria do CRA imos a Pontevedra a pasar o día alí, pasear e comer polas súas rúas, montar en tren e, sobre todo, asistir ao Salón de Libro. Unha grande actividade na que participamos miles de nenas e nenos de moitos colexios desfrutando de todo o que nos ofrece.

O plan previsto é:

- 8:45 Saír en autobús ás a Pontevedra.

- 10:15 Visitar o Salón do Libro cunha persoa que nos guía.

- 12:00 Asistir á obra de teatro Baobab.

- 13:00 Paseo por Pontevedra e comida. Despois collemos o tren ata Vigo.

- 18:00 Collemos o bus dende Vigo ata O Rosal.

 

Estivemos no Salón do libro, onde asistimos a unha obra de teatro que se chamaba "Pum, pum" do grupo Baobab. Tamén vimos traballos feitos por diferentes colexios e exposicións do tema "O mundo que queremos". Logo paseamos, comemos e xogamos por Pontevedra. De alí fomos a Vigo en tren.

Foi un día xenial!!!

 

Visita Apípolis - Marzo 2017

14/03/2017 09:00
14/03/2017 14:00

O alumnado de Ed. Infantil do CRA temos unha visita moi interesante a Apípolis. Nestas instalacións podemos ver, aprender e experimentar con todo o relacionado co mundo das abellas.

Saímos ben cedo en autobús e chegamos ata Apípolis (cerca de Pontevedra) ás 10:30. Nada maís chegar baixamos dos buses e camiñamos ata unha explanada para presentarnos e facer catro grupos. Durante a mañá os catro grupos fomos rotando por catro actividades moi chulas:

- fixemos galletas coas nosas propias mans que levaban, entre outras cousas, mel;

- coa cera das abellas feita unha lámina puidemos facer velas envolvendo un fío coa cera ata conseguir un cilindro;

- contáronnos como eran e como vivían as abellas nunha exposición moi chula que había alí;

- puxéronnos os traxes de apicultores e puidemos entrar á zona onde estaban os panais e as abellas e ver todo diante dos nosos ollos.

Despois de tantas cousas paramos para comer, fixemos algúns xogos e cancións e xa tocou a hora de subir de novo aos buses para marchar de volta.

Foi un día xenial!!!

 

Distribuir contido


by Dr. Radut