Eventos

No novo curso que comezamos propuxémonos coñecer máis o entorno que nos rodea, e imos poñer en marcha un proxecto con esa temática.

Por iso, e para comezar, decidimos facer unha saída para coñecer as diferentes árbores que nos rodean, aprender o seu nome, como son as súas follas... e para elo, Xoel e seu pai ofrecéronse voluntarios para explicarnos todo con moito detalle. Unha vez que voltamos para a aula e xa sabíamos algunha cousa sobre as diferentes árbores, Xoel e seu pai fixeronnos unha exposición sobre o trigo, o carballo, o piñeiro e o castiñeiro, onde os nenos e nenas poideron facer moitas preguntas e aprender cousas que non sabían.

Ós nenos e nenas de Novás gústalles coñecer as diferentes árbores pero tamén lles gusta moito a hora da merenda, polo que nos puxemos mans á obra para combinar as dúas cousas. 

Coñecemimos como son as follas da figueira e o froito que da, traballamos con elas e para rematar elaboramos nos mesmos unha deliciosa marmelada de figos que nos quedou riquísima!!!

Xa que o pasamos tan ben facendo a marmelada de figos, decidímos aproveitar os marmelos que da a árbore que temos na escola para facer doce de marmelo. Fomos recoller os marmelos nun recreo e coa axuda da termomix os nenos e nenas fixeron o doce para levar para a súa casa. Ademais tamen deixamos un pouco doce para celebrar os aniversarios do mes.