Eventos
As nenas e nenos do CRA imos a biblioteca municipal do Rosal para desfrutar dun contacontos con Paco Nogueiras. Imos escoitar varios contos curtos acompañados de música en directo. O alumnado das escolas de Couso, Fornelos e Tabagón van á sesión das 11:15 e o alumnado das escolas de Pías, Marzán e Novás, á das 12:00.
Foi unha actividade xenial. Estivemos con Paco Nogueiras e contounos tres contos moi chulos: "A horta de Simón", "Grisela" e "Tomás o bromista", coa axuda do acordeón e do ukelele co que nos fixo cantar e bailar a todos.
O Martes 13 de Marzo os alumnos do CRA visitamos a sala de teatro Ártika en Vigo para desfrutar da obra do "Mago de Oz" da compañía Avento Produccións. Os nenos e nenas pasarono xenial coa obra e o rematar a mesma comimos algo no teatro e as aulas de infantil volveron para O Rosal, e as de primaria visitaron o museo Liste e o parque de Castrelos.
O Martes 13 de Marzo os alumnos de primaria quedamos en Vigo despois da obra de teatro do Mago de Oz. Visitamos o museo Liste onde aprendimos como se vivía hai moitos anos e comimos no parque que o rodea.
O rematar de comer fomos ó Parque de Castrelos onde xogamos e desfrutamos ata que foi a hora de voltar para O Rosal.
O xornal "Sernos escola" publicou a dobre páxina unha reportaxe sobre a actividade de matemáticas danzadas realizada no noso colexio. Moitas grazas a este xornal pola difusión!!! Podedes ver as fotos da reportaxe pinchando AQUÍ