25N - CONTOS CONTRA A VIOLENCIA DE XÉNERO E A IGUALDADE
O vindeiro 25 de novembro adícase ao 25N, Día Internacional Contra a Violencia de Xénero. Por este motivo, estes días a nosa biblioteCRA tinguiuse de morado, a cor da igualdade, para incidir en valores tan importantes como a igualdade de xénero e o rexeitamento á violencia de xénero.
Aquí vos deixamos algúns dos contos seleccionados para traballar esta temática:
RECOMENDACIÓNS DE CONTOS DE SAMAIN
Estas últimas semanas de outubro temos preparadas unhas lecturas monstrosas, cheas de humor e algo de medo, seleccionadas dende a biblioteCRA para celebrar o Samaín.
Aquí vos deixamos a nosa selección de contos:
A TARANDEIRA POLO MUNDO
Imos ir de viaxe polo mundo da man de Ratifante!
Ao longo do curso seguro que nos decatamos que polo mundo enteiro existen culturas, comidas, tradicións ben diferentes ás nosas. Animádesvos a vir de viaxe con nós?
Arrincamos con moito ritmo!!!!
Comezo do curso 2023-24
O CRA A Tarandeira informa:
A actividade lectiva dará comezo o luns 11 de setembro.
Nos vindeiros días e antes do inicio do curso as titoras convocarán ás familias a unha reunión.
Lembrade que estamos ao voso dispor e para mantervos informados seguídenos nesta web e nas redes.
Listaxe dos libros de texto. Curso 2023-24.
O CRA A Tarandeira, informa da listaxe de LIBROS DE TEXTO para o vindeiro curso 2023-24. Só haberá libros de texto en Educación Primaria, non en Educación Infantil. De todos os xeitos, nalgunhas escolas non se empregarán todos os libros. Non merquedes nin encarguedes ningún libro antes de falardes coa titora da vosa escola. Grazas!
Preme na seguinte ligazón para veres a listaxe.
Adxunto | Tamaño |
---|---|
LIBROS DE TEXTO Primaria 23-24_asinado.jpg | 669.75 KB |
Matrícula novo alumnado curso 2023/24
A Dirección do C.R.A. A Tarandeira, informa que o novo alumnado admitido neste centro no vindeiro curso 2023/24 debe formalizar matrícula do día 20 ao 30 de xuño.
De seguido relaciónanse os documentos necesarios para a matrícula do/a voso/a fillo/a.
- Impreso de formalización de matrícula (Anexo III-1).
- Fotocopia do libro de familia.
- DNI do pai e da nai do/a alumno/a.
- Fotocopia da Tarxeta Sanitaria.
- Certificado médico.
- 2 fotos tamaño carné.
- Autorización de publicación de imaxe do menor.
- Autorización saídas didácticas.
- Autorización saídas pola contorna da escola.
- Autorización recollida alumn@.
- Enquisa lingua contorno familiar.
- Opción relixión / atención educativa.
A dirección deste centro atenderavos en horario de 9:00 a 14:00 h a partir do mércores 22 de xuño na sede do CRA A Tarandeira no lugar da Esfarrapa, 52 - Coristanco. Tamén podedes entregar a documentación de matrícula na sede de Santa Comba ou na Escola de Lañas (A Baña), concertando cita previa nos teléfonos do centro: 881 88 05 52 / 687 76 96 35 .
Todos os formularios están dispoñibles nesta mesma páxina web premendo na listaxe arriba indicada. Tamén volos podemos facilitar na propia sede do CRA, ou ben por correo electrónico.