4º ESO
Ola a todos. Espero que esteades ben.
Retomamos o contacto ; propóñovos unhas actividades para seguir coa literatura.
- Lede As Vangardas (páxinas 97-98 ). Poñede especial atención ás Vangardas galegas: Hilozoísmo, Neotrobadorismo, Creacionismo. Centrádevos nas características de cada un destes movementos, no autor e obra máis representativo de cada un deles.
- Comentario dos poemas 1 e 3 da páx. 100. Podedes consultar as figuras literarias no apéndice do libro (volumen 1).
- Transcribo un poema de Amado Carballo para que o leades con atención e contestedes ás preguntas que vos propoño:
LAR
Anda a choiva no tellado
como unha galiña choca
que nesta noite ficara
no poleiro porta afora.
Con arelanzas de lobo
- o vento abanea as portas
e ouvea doidamente
nas tebras molladas, fondas…
Alá xunto da cociña
óese o meniño que chora,
aterecida de medo
a súa voz no silencio aboia.
As mans abuadas da choiva
Baten nas costas do mar
E con leda brincadeira
A foula canta un cantar.
Aceiteira….
Vinagreira….
Chascorrás….
- De que fala cada estrofa do poema?
Se ordenas as palabras desfacendo o hipérbato, é moi fácil.
Exemplo da 1ª estrofa:
a choiva anda no tellado como unha galiña choca que esta noite ficara porta afora do poleiro
Compara a choiva coa galiña; o son que producen é semellante.
2ª estrofa:
3ª estrofa:
4ª estrofa:
Cal é o tema?
Fíxate se identificas fácilmente as características do hilozoísmo.
Atopas exemplos de personificación?
En relación coa sensorialidade, cal é o sentido (vista, oído…) que está máis presente no poema?