CPI Pecalama - Tordoia - 881960001

O mércores 12 de xuño o alumnado de 1º, 2º e 3º da ESO viaxaron a Illa de Ons, incluída no Parque Natural Marítimo-terrestre das Illas Atlánticas de Galicia. Alí descubriron un espazo natural altamente protexido.

Premendo na imaxe accédese a fotografías da viaxe.

A seguinte foto é con Palmira, 76 anos, a cociñeira que nos deu de comer en Casa Acuña, e mellor pulpeira de Galicia!

EXCURSIÓNS

O venres 7 de xuño o alumnado de eduación infantil realizou unha saída a coñecer a contorna do centro, acudindo á área recreativa de Pedralonga. Gozaron dun marabilloso día e descubriron o encanto deste lugar coas súas grandes pedras graníticas .

Facendo clic na imaxe inferior accédese ás fotos da xornada

INFANTIL SAÍDAS EDUCATIVAS

O luns 27 de maio o alumnado de eduación infantil acudiu ao centro de actividades ambientais de Mar de Fábula de Camelle.

Alí, limparon a praia, clasificaron o lixo mariño e fixeron un obradoiro de reutilización e reciclaxe artístico. Ademais, visualizaron o corto Fábula das Criaturas Caóticas, feito polo alumnado da Escola de Imaxe e Son da Coruña.

Picade na imaxe para ver o marabilloso día do que gozaron

INFANTIL SAÍDAS EDUCATIVAS

Con motivo da celebración do Día das Letras Galegas, realizaouse unha exposición sobre a vida e obra de Luísa Villalta, escritora homenaxeada este ano. Ademais, o alumnado da ESO creou caligramas a partir de distintos poemas da autora coruñesa. Estes traballos expuxéronse na biblioteca.

Picade en calquera imaxe para vela en grande

BIBLIOTECA DINAMIZACIÓN

O luns 13 de maio, no recreo, entregáronse os premios do IV Concurso de Poesía do CPI Pecalama. Lucía Tasende Castro (4º ESO) e Tomás Seoane Liñares (3º ESO) foron os encargados de dar a coñecer os títulos das composicións premiadas polo xurado.

Xiana Oreiro Lamas (1º ESO) foi a gañadora na modalidade de poesía en lingua galega e Aroa Rodríguez Iglesias (4º ESO) foi a vencedora na modalidade de composición lírica en lingua castelá.

PARABÉNS!

BIBLIOTECA

O 2 de maio celébrase o Día internacional contra a violencia e o acoso escolar, e o CPI Pecalama traballa para concienciar ao alumnado sobre esta problemática e como previla.

Picade nas imaxes para velas en grande

BIBLIOTECA

O alumnado de 1º e 3º da ESO está en Barcelona, gozando dunha magnífica excursión e experiencia cos compañeiros/as.

Premendo na imaxe accédese a fotografías da viaxe.

EXCURSIÓNS

O xoves 11 de abril, e encadrada nos actos pola celebración do Dia do Libro, acuidiu ao centro o escritor Héctor Cajaraville, onde impartiu unha charla ao alumnado da ESO, asinando tamén os libros que estes posúen deste estupendo autor.

Facede clic na imaxe para ver imaxes do acto

BIBLIOTECA DINAMIZACIÓN

O CPI Pecalama empeza xa a festexar o día do libro 2024 coa visita e charla do autor Héctor Cajaraville.

Picade en calquera imaxe para vela en grande

BIBLIOTECA DINAMIZACIÓN

Con motivo da conmemoración do Día da Poesía o 21 de marzo, o alumnado da ESO buscou e leu diversas composicións.

Picade en calquera imaxe para acceder ás fotos da xornada

BIBLIOTECA

O martes 19 de marzo o alcalde de Tordoia, D. Antonio Pereiro Liñares, recibiu ao alumnado de 4º da ESO no Salón de Plenos do concello, para interesarse polo seu futuro e anunciarlles a axuda económica coa que o consistorio contribuirá para a excursión de fin de curso.

Os alumnos e alumnas de 4º, así como o centro, agradecen a colaboración para a saída que porá fin aos seus estudos no CPI Pecalama.

EXCURSIÓNS

Con motivo da celebración do "Día Internacional da Muller" o 8 de marzo, o alumnado do centro elaborou un mural sobre as mulleres importantes na súa vida. Ademais, na biblioteca de infantil e primaria e na de secundaria, houbo unha exposición de libros relacionados con esta temática. 

Facede clic en calquera das imaxes para ver as fotos do alumnado confeccionando o mural e a exposición de libros

BIBLIOTECA CONMEMORACIÓNS

Con motivo da conmemoración do nacemento de Rosalía de Castro o 23 de febreiro, o alumnado de secundaria realizou diversas actividades e exposicións que se poden ver ao facer clic na seguinte imaxe.

BIBLIOTECA

O 11 de febreiro celébrase o Día Internacional da Muller e a Nena na Ciencia, xornada establecida pola Asemblea Xeral da ONU en 2016 co fin de lograr o acceso e a participación plena e equitativa na ciencia para as mulleres e as nenas.

Dende o CPI Pecalama sumámonos á conmemoración deste día visibilizando e dando a coñecer o papel das mulleres na ciencia.

Facede clic na imaxe para ver as fotos da exposición e do alumando colaborador

BIBLIOTECA