Biblioteca
DÍA DE ROSALÍA EN 4º DE PRIMARIA
DÍA DE ROSALÍA
O día 23 de febrero celebramos o aniversario do nacemento de Rosalía de Castro. Escritora galega e defensora da lingua, dos dereitos das mulleres, dos pobres...do pobo galego.
Destacan as súas obras “ Follas Novas”, “Cantares gallegos” e “ A orillas del Sar”.
En 3º de primaria comenzamos por coñecer un pouco a súa vida e as súas obras. Despois fixemos unhas postais co seu retrato e un verso moi significativo: “Eu son libre. Nada pode conter a marcha dos meus pensamentos e eles son a lei que rexe o meu destino”.
No seu interior escribimos unha estrofa dalgún dos seus poemas.
A LINGUA GALEGA É UNHA OPORTUNIDADE
O escritor e sociolingüista galego ,Manuel Núñez Singala, deu unha charla a todo o alumnado da ESO no salón de actos do CPIP de Castroverde.
A charla titulouna :"A lingua galega é unha oportunidade".
Falou da riqueza que supón a diversidade lingüística, dos condicionantes que hai á hora de elixir o idioma que falar, dos prexuízos lingüísticos...
MONKEY PUZZLE
Dúas alumnas e un alumno de sexto de primaria ofrecéronse para contar unha historia en inglés ao alumnado de 5º de E. I. Primeiramente a profesora escolleu un conto orixinal en inglés e adaptouse para o nivel de 5º de E.I. Os tres voluntarios prepararon na casa e en momentos libres a posta en escea e aprenderon os seus textos. Practicaron durante o descanso despois de comer e cando chegou o almunado de EI á aula atopáronse coa sorpresa.
Nesta actividade os máis pequenos disfrutan e aprenden cos maiores pero estes aprenden aínda máis grazas aos cativos pois teñen que memorizar a súa parte, interpretala, traballar a entoación, pronuncia, léxico e estruturas, fluidez e ,o que é máis importante, enfrontarse a un público.
Verdadeiramente foi unha experiencia xenial cun comportamento exemplar, tanto por parte dos contacontos coma da audiencia. Seguro que imos repetir pois xa hai outros 11 voluntarios á espera.
RECITAL DE POESÍA E RECOMENDACIÓNS LECTORAS DO DÍA DA PAZ
O martes 30 de xaneiro celebrouse na biblioteca o Día Escolar da Non Violencia e a Paz con un recital de poesía en varias linguas: castelán, francés, galego, inglés e italiano e unha exposición de lecturas recomendadas desta temática.
